હિંગ ખરીદતા પહેલાં ચેતી જજો! એવરેસ્ટ અને LGની નકલી હિંગ પર FSSAI એ લગાવ્યો પ્રતિબંધ
રસોડામાં વપરાતી હિંગ ખરીદતા પહેલાં ચોક્કસ ચેતી જજો! તાજેતરમાં જ દેશની ખાદ્ય સુરક્ષા સંસ્થા FSSAI (Food Safety and Standards Authority of India) દ્વારા બે સૌથી મોટી અને લોકપ્રિય મસાલા બ્રાન્ડ્સ – Everest Food Products (એવરેસ્ટ) અને Laljee Godhoo & Company (LG બ્રાન્ડ) ની કમ્પાઉન્ડેડ હિંગ (Compounded Asafoetida) ના વેચાણ પર તાત્કાલિક પ્રતિબંધ મૂકવામાં આવ્યો છે.
લેબોરેટરી તપાસમાં આ બંને જાણીતી બ્રાન્ડ્સની હિંગ નિયત ગુણવત્તાના ધોરણો પર ખરી ઉતરી નથી અને સબ-સ્ટાન્ડર્ડ (હલકી ગુણવત્તાવાળી) તેમજ મિસબ્રાન્ડેડ સાબિત થઈ છે. લેબ ટેસ્ટમાં કઈ ખામીઓ સામે આવી?એવરેસ્ટ હિંગ (Everest Hing): નિયમો અનુસાર હિંગમાં આલ્કોહોલ-સોલ્યુબલ એક્સટ્રેક્ટ (Alcohol-Soluble Extract) નું પ્રમાણ ઓછામાં ઓછું 5% હોવું જોઈએ.
પરંતુ એવરેસ્ટના સેમ્પલમાં આ પ્રમાણ માત્ર 0 થી 3% જ જોવા મળ્યું હતું.એલજી હિંગ (LG Hing): કમ્પાઉન્ડેડ હિંગમાં સ્ટાર્ચનું પ્રમાણ 1% થી વધુ ન હોવું જોઈએ. તેની સામે આ બ્રાન્ડમાં 15% થી 32% જેટલી મોટી માત્રામાં સ્ટાર્ચ અને લોટની ભેળસેળ જોવા મળી હતી.
