સંબંધિત સમાચાર
- કોણ બનશે ગુજરાતના નવા પોલીસ વડા? 13 નામોની યાદી કેન્દ્રને મોકલાઈ
- સુરત સહિતના વિસ્તારોમાં રેપીડ ટેસ્ટ કરવાની વિચારણા
- શુક્રવારે રાત્રે 8 વાગ્યાથી સરકારે ભોપાલમાં કુલ 10 દિવસ લોકડાઉન માટેની માર્ગદર્શિકા જાહેર કરી છે.
- સૌરાષ્ટ્રભરમાં શ્રાવણ મહિનાના લોકમેળા નહિ યોજાય
- અમદાવાદની આ ચાર હૉસ્પિટલ હવે નહીં આપી શકે કોરોનાની સારવાર
માસ્ક નહીં પહેરનારને એક હજાર સુધીનો દંડ કરોઃ હાઈકોર્ટની સરકારને ટકોર
કોરોનાની મહામારી મામલે હાઇકોર્ટમાં થયેલી સુઓમોટો પર આજે સુનાવણી થઈ હતી. આ સુનાવણી દરમિયાન હાઇકોર્ટે રાજ્ય સરકારને ટકોર કરી છે કે બહારથી આવતા લોકોને અટકાવવામાં આવે. માસ્ક ન પહેરનારને 1 હજાર સુધીનો દંડ ફટકારવામાં આવે અને જો કોઈ નારાજ થાય તેની ચિંતા સરકારે કરવાની જરૂર નથી. તેમજ કોરોનાની સારવાર માટે અપાતા ટોસિલિઝુમેબ ઇન્જેક્શનની કાળા બજારી અટકાવવા માટે ગુજરાત હાઇકોર્ટમાં અરજી કરવામાં આવી છે.કોર્ટે રાજ્ય સરકારને ટકોર કરી કૌભાંડીઓ સામે કડક કાર્યવાહી કરવા કહ્યું છે. સરકારની ટેસ્ટ નીતિ સામે કોર્ટમાં અરજદારે વિરોધ કર્યો છે. અરજદારે કોર્ટમાં રજૂઆત કરી હતી કે ડોક્ટરના પ્રિસ્ક્રિપ્શન વગર પણ ટેસ્ટ થવા જોઇએ. જેણે ટેસ્ટ કરાવવો હોય તેને કરવાની છૂટ મળવી જોઈએ. ઉલ્લેખનીય છે કે, 13 જુલાઈના રોજ અમદાવાદમાં જાહેરમાં થૂંકનારને દંડની રકમ 200થી વધારી રૂ. 500 કરાઈ છે, જ્યારે માસ્ક પહેર્યા વિના બહાર નીકળનારા પાસેથી રૂ. 200ને બદલે રૂ.500 દંડ વસૂલવાનો નિર્ણય લેવામાં આવ્યો હતો. જ્યારે અમદાવાદ સિવાય અન્ય શહેરો, નગરપાલિકા અને ગ્રામ્ય વિસ્તારોમાં માસ્ક ન પહેરવા બદલ રૂ.200નો દંડ કરવામાં આવે છે.
