PM મોદી મનીલામાં ખાલસા દિવાન ગુરૂદ્વારા પહોચ્યા, પુનર્વિકાસ કાર્યોના શિલાન્યાસ સમારંભમાં લીધો ભાગ
PM modi in Manila
પ્રધાનમંત્રી નરેન્દ્ર મોદી ફિલિપાઇન્સની ત્રણ દિવસની મુલાકાતે છે. તેઓ 23મા ASEAN સમિટમાં હાજરી આપવા માટે મનીલા પહોંચ્યા છે. PM મોદી મંગળવારે ASEAN સમિટમાં ભાગ લેશે. એ પણ મહત્વનું છે કે PM મોદીએ મનીલામાં ખાલસા દિવાન ગુરુદ્વારાના પુનઃવિકાસ માટે શિલાન્યાસ સમારોહમાં ભાગ લીધો હતો.
PM મોદીની ગુરુદ્વારા ખાલસા દિવાન ખાતે કાર સેવા
વડાપ્રધાન નરેન્દ્ર મોદીએ આજે મનીલામાં ઐતિહાસિક ગુરુદ્વારા ખાલસા દિવાન ખાતે કાર સેવા કરી. મનીલામાં આ ગુરુદ્વારા 100 વર્ષથી વધુ જૂનું છે. તે 1929 માં ભારતથી મનીલા સ્થળાંતર કરીને આવેલા પંજાબી સમુદાયના સભ્યો દ્વારા બનાવવામાં આવ્યું હતું. હવે તેનું પુનર્નિર્માણ ચાલી રહ્યું છે.
LIVE: PM Modi Attends Ceremony to Mark Redevelopment of Gurudwara Khalsa Diwan in Philippines SOURCE: DD #pmmodi #Manila #philippines #india #GurudwaraKhalsaDiwan #live https://t.co/oTqst9LwC7
— ANI (@ANI) November 17, 2026
PM મોદીએ આપી હતી ખાલસા દિવાન કાર્યક્રમ વિશે માહિતી
PM મોદીએ સોમવારે તેમના સત્તાવાર X હેન્ડલ પર આ કાર્યક્રમમાં તેમની ભાગીદારી વિશે માહિતી શેર કરી હતી. પીએમ મોદીએ કહ્યું હતું કે, "આવતીકાલે, 17 નવેમ્બર, એક ખૂબ જ ખાસ દિવસ છે. મને મનીલામાં ઐતિહાસિક ગુરુદ્વારા ખાલસા દિવાન ખાતે પુનર્વિકાસ કાર્યોની શરૂઆતના સમારોહમાં હાજરી આપવાનો લહાવો મળશે. આ ગુરુદ્વારા એક સદી કરતાં પણ વધુ જૂનો છે અને તેનું અપાર આધ્યાત્મિક મહત્વ છે. ગુરુ સાહેબોના ઉપદેશોથી પ્રેરિત થઈને, શીખ સમુદાયે વિશ્વભરમાં પોતાની એક અલગ ઓળખ બનાવી છે. તેઓ હંમેશા અન્યોની સેવા કરવામાં અને વધુ સારી દુનિયા બનાવવામાં મોખરે રહ્યા છે."
મનીલા કેમ પહોચ્યા છે પીએમ મોદી ?
ઉલ્લેખનીય છે કે પીએમ મોદી મંગળવારે 23મા આસિયાન-ભારત શિખર સંમેલન અને 21મા પૂર્વી એશિયા શિખર સંમેલનમાં ભાગ લેશે. આસિયાનની સ્થાપના વર્ષ 1967 માં કરવામાં આવી હતી. આ સંગઠનમાં 11 દેશોનો સમાવેશ થાય છે: બ્રુનેઈ, કંબોડિયા, ઇન્ડોનેશિયા, લાઓસ, મલેશિયા, મ્યાનમાર, ફિલિપાઇન્સ, સિંગાપોર, થાઇલેન્ડ, તિમોર-લેસ્ટે અને વિયેતનામ. ભારત, યુનાઇટેડ સ્ટેટ્સ, ચીન, જાપાન અને ઓસ્ટ્રેલિયા સહિત અન્ય ઘણા દેશો તેના સંવાદ ભાગીદારો છે. આસિયાનને આ ક્ષેત્રના સૌથી પ્રભાવશાળી સંગઠનોમાંનું એક માનવામાં આવે છે. પીએમ મોદી 21 મા પૂર્વ એશિયા સમિટમાં પણ હાજરી આપશે અને બપોરે ફિલિપાઇન્સના રાષ્ટ્રપતિ માર્કોસ સાથે દ્વિપક્ષીય વાટાઘાટો કરશે.

