How to Store Potatoes - બટાકાનો સ્ટોર કરવાની બેસ્ટ રીત કઈ છે, જાણો સ્માર્ટ હેક્સ

Publish: Thu, 8 Sep 2022 (15:54 IST) Updated: Thu, 8 Sep 2022 (14:41 IST)

બટાટા (Potato) એ સૌથી વધુ ખરીદાતી શાકભાજીમાંની એક છે. જો અમે તમને પૂછીએ કે બટાકા ખરીદવાની શ્રેષ્ઠ રીત કઈ છે? તો કદાચ તમને આ સાંભળીને હસવું આવશે, પરંતુ જો તમે રસોઈના શોખીન છો, તો તમે સારી રીતે જાણતા હશો કે શાકભાજીને લાંબા સમય સુધી તાજી રાખવા માટે તેને યોગ્ય રીતે કેવી રીતે સંગ્રહિત કરવી. આજે અમે તમને બટાટા ખરીદવા અને સ્ટોર કરવાની સ્માર્ટ ટિપ્સ અને ટ્રિક્સ જણાવી રહ્યા છીએ-

સખત બટાકા ખરીદો

બટાકા ખરીદતી વખતે, સખત ન હોય તેવા બટાકા લેવાનું ટાળો. નરમ બટાકા ઝડપથી બગડી શકે છે, તેથી તમારે હંમેશા સખત બટાકા ખરીદવા જોઈએ.

ફણગાવેલા બટાટા ન લો

નેશનલ કેપિટલ પોઈઝન સેન્ટર (અમેરિકન એસોસિએશન ઓફ પોઈઝન કંટ્રોલ સેન્ટર્સ દ્વારા માન્યતા પ્રાપ્ત સંસ્થા) અનુસાર, ફણગાવેલા બટાટા ન ખાવા જોઈએ. અભ્યાસ મુજબ, જ્યારે બટાટા ફૂટે છે, ત્યારે તેમાં ગ્લાયકોઆલ્કલોઇડનું પ્રમાણ વધવા લાગે છે અને તેથી તે સ્વાસ્થ્ય માટે સારું નથી.

લીલા બટાટા ખરીદશો નહીં

લીલા બટાકાની ખરીદી કરશો નહીં. લીલા ડાઘવાળા બટાકા સ્વાદમાં પણ સારા નથી હોતા અને સ્વાસ્થ્ય માટે પણ સારા નથી. આવી સ્થિતિમાં, લીલા બટાકાની ખરીદી ન કરવી તે વધુ સારું છે.

પ્લાસ્ટિકમાં પેક કરેલા બટાકા

પ્લાસ્ટિકની થેલીઓમાં પેક કરેલા બટાકા પણ આવા બટાટા ખરીદવાનું ટાળો, કારણ કે તેમાં ભેજ એકઠો થઈ ગયો હોય અને આવા બટાકા સરળતાથી બગડી શકે છે.

બટાટા સ્ટોર કરવાની બેસ્ટ રીત

જો તમને બટાકાને સ્ટોર કરતા પહેલા ધોવાની આદત હોય તો આ આદત બદલો. ધોવાથી ભેજને કારણે બટાટા જલ્દી સડી જાય છે. બટાકાને ખુલ્લી બાસ્કેટમાં જ સંગ્રહિત કરવા જોઈએ.