સંબંધિત સમાચાર
- IND vs PAK Live: ભારતે મેચ જીતી, પાકિસ્તાનને 6 રને હરાવ્યું
- IND vs PAK Live Streaming: ભારત-પાકિસ્તાન મેચ ક્યારે, ક્યાં અને કેવી રીતે free જોઈ શકશો લાઈવ મેચ ?
- IND vs IRE: ટીમ ઈન્ડિયાએ આયરલેન્ડને હરાવી ઈતિહાસ રચ્યો, આ રેકોર્ડમાં પાકિસ્તાનની ટીમને પછાડી
- T20 World Cup 2024: પાકિસ્તાનના આ મોટા રેકોર્ડ પર ટીમ ઈન્ડિયાની નજર, આયર્લેન્ડને હરાવી ઈતિહાસ રચશે
- ટી20 વિશ્વકપ - ભારત-પાક મેચમાં આતંકી હુમલાની ધમકી પછી સુરક્ષાની ચુસ્ત વ્યવસ્થા
IND vs PAK: ન્યૂયોર્કમાં લહેરાવ્યો ત્રિરંગો, ટીમ ઈન્ડિયાએ પાકિસ્તાનને હરાવીને બનાવ્યો આ વર્લ્ડ રેકોર્ડ
IND vs PAK T20 World Cup 2024: IND vs PAK T20 વર્લ્ડ કપ 2024: T20 વર્લ્ડ કપ 2024 ની 19મી મેચ ન્યૂયોર્કના નાસાઉ કાઉન્ટી ઈન્ટરનેશનલ ક્રિકેટ સ્ટેડિયમ ખાતે ભારત અને પાકિસ્તાનની ટીમો વચ્ચે રમાઈ હતી. બંને ટીમો વચ્ચેની આ મેચ ખૂબ જ ઓછા સ્કોરિંગ અને રોમાંચક હતી. આ મેચનું પરિણામ છેલ્લી ઓવરમાં આવ્યું, જ્યાં ટીમ ઈન્ડિયાની જીત થઈ. તમને જણાવી દઈએ કે T20 વર્લ્ડ કપમાં પાકિસ્તાન સામે ભારતની આ 7મી જીત છે. જ્યારે પાકિસ્તાનની ટીમ T20 વર્લ્ડ કપમાં અત્યાર સુધી માત્ર એક જ વાર ભારતને હરાવી શકી છે.
ટીમ ઈન્ડિયાએ બનાવ્યો વર્લ્ડ રેકોર્ડ
T20 વર્લ્ડ કપમાં બંને ટીમો વચ્ચે આ 8મી મેચ હતી. આ દરમિયાન ટીમ ઈન્ડિયાએ પાકિસ્તાનને હરાવીને રેકોર્ડ 7મી જીત હાંસલ કરી હતી. આ સાથે જ ટીમ ઈન્ડિયા T20 વર્લ્ડ કપમાં એક ટીમ સામે સૌથી વધુ મેચ જીતનારી ટીમ બની ગઈ છે. આ યાદીમાં પાકિસ્તાન અને શ્રીલંકાની ટીમ બીજા સ્થાને છે. પાકિસ્તાને બાંગ્લાદેશ સામે 6 મેચ જીતી છે અને શ્રીલંકાએ 6 વખત વેસ્ટ ઈન્ડિઝને હરાવ્યું છે.
INDIA WON THE MATCH
— ARVIND SINGH RAJPUROHIT (@avrajpurohit108) June 9, 2024
CONGRATULATIONS#PKMKB#INDvsPAK pic.twitter.com/MQ6HdSfjqP
T20 વર્લ્ડ કપમાં એક ટીમ સામે સૌથી વધુ જીત
ભારત વિ પાકિસ્તાન - 7 જીત
પાકિસ્તાન વિ બાંગ્લાદેશ – 6 જીત
શ્રીલંકા વિ વેસ્ટ ઈન્ડિઝ – 6 જીત
ઓસ્ટ્રેલિયા વિ બાંગ્લાદેશ - 5 જીત
ઇંગ્લેન્ડ વિ શ્રીલંકા – 5 જીત
119 રન માં જ પેવેલિયન ભેગી થઈ ટીમ ઈન્ડિયા
આ મેચમાં ટીમ ઈન્ડિયાએ ટોસ હારીને પ્રથમ બેટિંગ કરી હતી. પરંતુ ટીમ ઈન્ડિયા આ મેચમાં માત્ર 19.0ની જ બેટિંગ કરી શકી હતી. આ દરમિયાન તેણે માત્ર 119 રન બનાવ્યા હતા. ટીમ ઈન્ડિયા તરફથી રિષભ પંતે સૌથી વધુ રન બનાવ્યા હતા. રિષભ પંતે 31 બોલમાં 42 રન બનાવ્યા હતા. જ્યારે અક્ષર પટેલે 20 રનનું યોગદાન આપ્યું હતું. આ પહેલા રોહિત શર્મા 13 રન બનાવીને પેવેલિયન પરત ફર્યો હતો. જ્યારે પાકિસ્તાન તરફથી નસીમ શાહ અને હરિસ રઉફે 3-3 વિકેટ લીધી હતી. બીજી તરફ મોહમ્મદ આમિરે 2 વિકેટ પોતાના નામે કરી હતી.
ભારતીય બોલરોએ આખી રમત બદલી નાખી
120 રનના ટાર્ગેટના જવાબમાં પાકિસ્તાનની ટીમ 113 રન બનાવી શકી હતી. આ દરમિયાન ભારતના તમામ બોલરોએ શાનદાર પ્રદર્શન કર્યું હતું. જસપ્રીત બુમરાહ ટીમનો સૌથી સફળ બોલર રહ્યો હતો. તેણે 4 ઓવરમાં 14 રન આપીને 3 વિકેટ લીધી હતી. જ્યારે, હાર્દિક પંડ્યાએ 2 બેટ્સમેનોનો શિકાર કર્યો હતો. બીજી તરફ અક્ષર પટેલ અને અર્શદીપ સિંહે 1-1 વિકેટ લીધી.
