સંબંધિત સમાચાર
- ગુજરાતમાં સાયબર ક્રાઈમ ડામવા મોટો નિર્ણય: 9 જિલ્લાના SP ને સોંપાઈ સીધી જવાબદારી
- ગેસ સંકટ સામે સરકારનુ કવચ: દરેક ઘરમાં પહોંચશે સિલિન્ડર, મુખ્યમંત્રીએ લીધો મોટો નિર્ણય, વેપારીઓને તત્કાલ PNG ગેસ કનેક્શન
- ગેસ અછતની અફવાઓનું CM દ્વારા ખંડન: ગભરાટ ન ફેલાવવા અપીલ, પુરવઠા વ્યવસ્થા માટે મુખ્યમંત્રી નિવાસસ્થાને મહત્વની બેઠક
- ગુજરાત સરકારનો મોટો નિર્ણય: જમીન માપણીના પ્રશ્નોના ઝડપી ઉકેલ માટે સરકારની નવી નીતિ
- સ્થાનિક સ્વરાજની ચૂંટણીમાં ભાજપના આકરા નિયમો, ૩ ટર્મથી ચૂંટણી લડતા નેતાઓને 'નો ટિકિટ'
ગુજરાત વિધાનસભા: ભાજપના તમામ ધારાસભ્યોને 3 દિવસ માટે ફરજિયાત હાજરીનો વ્હીપ
gujarat vidhansabha
ગુજરાતના રાજકારણમાં કોઈ મોટા નિર્ણય કે નવાજૂનીના એંધાણ જોવા મળી રહ્યા છે. ભારતીય જનતા પાર્ટી (ભાજપ) દ્વારા વિધાનસભાના પોતાના તમામ ધારાસભ્યો માટે એક મહત્વપૂર્ણ વ્હીપ જાહેર કરવામાં આવ્યો છે. આ આદેશ અનુસાર, તમામ ધારાસભ્યોએ આગામી 23, 24 અને 25 માર્ચના રોજ વિધાનસભા ગૃહમાં ફરજિયાતપણે હાજર રહેવાનું રહેશે.
વિધાનસભા પક્ષના દંડક દ્વારા જારી કરાયેલા આ વ્હીપમાં સ્પષ્ટ સૂચના આપવામાં આવી છે કે આ ત્રણેય દિવસ દરમિયાન ધારાસભ્યોએ ગૃહની કાર્યવાહીમાં પૂરો સમય ઉપસ્થિત રહેવું પડશે. સાથે જ, ગૃહમાં પક્ષના માર્ગદર્શન અને નિર્દેશો અનુસાર જ કામગીરી કરવા પણ જણાવવામાં આવ્યું છે. પાર્ટીના સૂત્રોના જણાવ્યા અનુસાર, જો કોઈ ધારાસભ્ય આ વ્હીપનો ભંગ કરશે તો તેની સામે પક્ષની શિસ્ત મુજબ કડક કાર્યવાહી પણ થઈ શકે છે.
રાજકીય વર્તુળોમાં આ વ્હીપને ઘણો સૂચક માનવામાં આવી રહ્યો છે. નિષ્ણાતોના મતે, આ ત્રણ દિવસ દરમિયાન વિધાનસભામાં કોઈ મહત્વના કાયદાકીય પ્રસ્તાવો, નીતિગત નિર્ણયો અથવા ગંભીર ચર્ચાઓ થવાની સંભાવના છે. વિધાનસભામાં ભાજપ પાસે સ્પષ્ટ બહુમતી હોવા છતાં, પક્ષ કોઈ પણ મહત્વના મુદ્દે ચર્ચા કે મતદાન વખતે પોતાની સંપૂર્ણ એકતા અને સંખ્યાબળ જાળવી રાખવા માંગે છે.
