IPL 2024: શું હાર્દિક પંડ્યા મુંબઈ ઈન્ડિયન્સની ટીમમાં જોડાશે? હરાજી પહેલા તમામની નજર ટ્રેડિંગ વિન્ડો પર છે

Publish: Sat, 25 Nov 2023 (09:18 IST) Updated: Thu, 14 Dec 2023 (17:18 IST)

IPL 2024 Hardik Pandya: ઈન્ડિયન પ્રીમિયર લીગ 2024 માટેની હરાજી 19 ડિસેમ્બરે થશે જ્યારે ટ્રેડિંગ વિન્ડો 26 નવેમ્બર સુધીમાં બંધ થઈ જશે. IPLની હરાજી પહેલા એક મોટા સમાચાર સામે આવી રહ્યા છે. અહેવાલો અનુસાર, ગુજરાત ટાઇટન્સનો કેપ્ટન હાર્દિક પંડ્યા તેની જૂની ટીમ મુંબઈ ઈન્ડિયન્સમાં વાપસી કરી શકે છે. તે છેલ્લી 2 સીઝનથી ગુજરાત ટાઇટન્સમાં છે.

શું હાર્દિક મુંબઈ ઈન્ડિયન્સમાં જોડાશે?

ભારતના T20 કેપ્ટન હાર્દિક પંડ્યા આ વર્ષની IPL હરાજી પહેલા ગુજરાત ટાઇટન્સ છોડીને મુંબઈ ઇન્ડિયન્સમાં ફરી જોડાય તેવી શક્યતા છે. આવી સ્થિતિમાં, આપણે 26 નવેમ્બર સુધી રાહ જોવી પડશે જ્યારે IPLની ટ્રેડિંગ વિન્ડો બંધ થશે. હાર્દિક સાત સિઝન માટે IPLમાં મુંબઈ માટે રમ્યો હતો અને 2022ની સિઝન પહેલા તેને રિલીઝ કરવામાં આવ્યો હતો. ગુજરાત ટાઇટન્સમાં જોડાયા પછી, હાર્દિક આ નવી IPL ટીમને આ T20 ટૂર્નામેન્ટની ફાઇનલમાં સતત બે વાર લઈ ગયો. જેમાં ગુજરાતની ટીમે પણ તેની ડેબ્યૂ સિઝનમાં ટાઇટલ જીત્યું હતું.

ગુજરાત ટાઇટન્સ કરી શકે છે રિલીઝ

ગુજરાત ટાઈટન્સના વિકાસ પર નજર રાખતા આઈપીએલના એક સૂત્રએ કહ્યું કે હા, હું પુષ્ટિ કરી શકું છું કે હાર્દિકને મુંબઈ ઈન્ડિયન્સ સાથે જોડવા માટે ચર્ચા ચાલી રહી છે. એવી સંભાવના છે કે તે ટીમો બદલી શકે છે પરંતુ વધુ પુષ્ટિ કરી શકાતી નથી કારણ કે કરાર પર હસ્તાક્ષર થયા નથી. ફ્રેન્ચાઈઝી ટીમો વચ્ચે ખેલાડીઓની અદલાબદલી થઈ રહી છે અને હજુ એ સ્પષ્ટ નથી થયું કે જો હાર્દિક મુંબઈમાં જોડાય છે તો તેના સ્થાને ગુજરાતની ટીમમાં કયો ખેલાડી જોડાશે.

મુંબઈની ટીમ કોને બનાવશે કેપ્ટન?

જો ગુજરાત ટાઇટન્સનો કેપ્ટન હાર્દિક મુંબઈ સાથે જોડાય છે તો સૌથી મોટો પ્રશ્ન એ થશે કે શું તે રોહિત શર્માના નેતૃત્વમાં રમશે કે જેમની કપ્તાનીમાં મુંબઈ ઈન્ડિયન્સ પાંચ ટાઈટલ જીતી ચૂક્યું છે. કેટલાક પ્રશ્નો એવા છે કે જેના જવાબો હજુ સુધી કોઈની પાસે નથી અને જ્યારે બોર્ડ ઓફ કંટ્રોલ ફોર ક્રિકેટ ઇન ઈન્ડિયા (BCCI) સત્તાવાર રીતે અંતિમ ટ્રેડિંગ લિસ્ટ જાહેર કરશે ત્યારે જ ચિત્ર સ્પષ્ટ થશે.