IPL 2019: 120 માં વેચાય ગઈ આઈપીએલ ફાઈનલની ટિકિટ, ઉભા થયા સવાલ
ઈંડિયન પ્રીમિયર લીગની 12મી સીઝનના ફાઈનલની ટિકિટ માત્ર 120 સેકંડ એટલે કે 2 મિનિટમાં વેચાય ગઈ છે. આ વાત બતાવે છે કે આ લીગને લઈને ફેંસને કેટલો રસ છે. સાથે જ તેનાથી પારદર્શિતા અને જવાબદારી પર પણ સવાલ ઉભા થઈ રહ્યા છે. ઉલ્લેખનીય છે કે બુધવારે ભારતીય ક્રિકેટ કંટ્રોલ બોર્ડ (BCCI) એ ટિકિટોનુ વેચાણ ઓપન કર્યુ. એ પણ કોઈપણ જાતની નોટિસ વગર. પણ નવાઈની વાત એ છે કે તેમ છતા થોડી જ સેકંડમાં બધા ટિકિટ વેચાય ગયા.
આ વિશે હૈદરાબાદ ક્રિકેટ એસોસિએશન (HCA)ના કાર્યકારી સમિતિના એક સભ્યએ સવાલ ઉઠાવતા કહ્યુ ફાઈનલની બધી ટિકિટ મિનિટોમાં જ કેવી રીતે વેચાય શકે છે ? આ ખૂબ જ ચોંકાવનારી છે અને બીસીસીઆઈને ફાઈનલમાં જોવાની ઈચ્છા રાખનારા પ્રશંસકોને વંચિત કરવાનો જવાબ આપવો પડશે. રોચક વાત એ છે કે જ્યા સુધી ટિકિટો વિશે જાણ થય છે ત્યા સુધી બધી ટિકિટ વેચાય ચુકી હતી.
ટુર્નામેન્ટની ફાઇનલ મેચ હૈદરાબાદના રાજીવ ગાંધી ઈન્ટરનેશનલ સ્ટેડિયમમાં રવિવાર, 12 મેના રોજ યોજાશે. આ સ્ટેડિયમની ક્ષમતા 39,000 પ્રેક્ષકોને સમાવવાની છે. મોટાભાગની મેચોમાં 25,000થી 30,000 ટિકિટ વેચાઇ જાય છે. પરંતુ આ વખતે એવું શું થયું કે કોઇને ખબર ન પડી અને બે મિનિટમાં જ તમામ ટિકિટ વેચાઇ ગઇ. સૂત્રોના જણાવ્યા મુજબ 1000, 1500, 2000, 2500 અને 5000 રૂપિયાની ટિકિટો વેચાવાની હતી, પરંતુ EventsNow એ 1500, 2000, 2500 અને 5000 વાળી જ ટિકિટો વેચી. અન્ય 12,500, 15,000 અને 22,500 રૂપિયાની ટિકિટનું શું થયું તે ખબર નથી. આ અંગે ફેન્સ સવાલ ઉઠાવી રહ્યા છે.
EventsNowના સુધીર રેડ્ડીએ આ અંગે કહ્યું, હું આ અંગે કોઇ જાણકારી આપી શકું નહીં. અમને જે ટિકિટો મળી હતી તે વેચી છે. આ અંગે બીસીસીઆઈ જવાબદાર છે અમે નહીં. HCAના અધિકારીએ કહ્યું કે, ઇવેન્ટ્સનાઉ અને બીસીસીઆઈએ આ મામલે સ્પષ્ટતા કરવી જોઈએ.
મુંબઈ ઈન્ડિયન્સ ફાઇનલમાં પહોંચી ચુકી છે. શુક્રવારે ચેન્નઇ સુપર કિંગ્સ અને દિલ્હી કેપિટલ્સ વચ્ચે રમાનારી બીજી ક્વોલિફાયરની ટીમ ફાઇનલમાં પહોંચશે.
