Egg For Heart: હાર્ટ પેશન્ટે ઈંડા ખાવા જોઈએ કે નહી ? શું ઈંડા ખાવાથી કોલેસ્ટ્રોલ વધે છે ?

સંડે હો યા મંડે રોજ ખાય અંડે... જી હા, ઈંડા ખાવા માટે તમારે દિવસ જોવાની જરૂર નથી. તમારે દરરોજ તમારા આહારમાં ઓછામાં ઓછા 1-2 ઈંડાનો સમાવેશ કરવો જોઈએ.  શિયાળામાં, મોટાભાગના ઘરોમાં, નાસ્તામાં ઇંડાની કોઈને કોઈ વાનગી બનાવવામાં આવે છે. લોકો શિયાળામાં ઈંડા ખાવાના શોખીન હોય છે. આ શરીરને ગરમ રાખવામાં મદદ કરે છે. ઈંડા ખાવાથી શરીરને જરૂરી પ્રોટીન અને વિટામિન્સ મળે છે. જો કે, વધુ પડતા ઈંડા ખાવાથી હાર્ટ પેશન્ટને સમસ્યા થઈ શકે છે. જો તમને દિલની કોઈ બિમારી છે તો જાણો દિવસમાં કેટલા ઈંડા ખાવા જોઈએ અને કેવી રીતે.

NCBIના રિપોર્ટ અનુસાર, દિવસમાં 2 ઈંડા ખાવાથી વજન ઘટે છે. દરરોજ ઈંડા ખાવાથી શરીરમાં લાલ રક્તકણોની સંખ્યામાં વધારો થાય છે. ઈંડામાં સારી માત્રામાં પ્રોટીન અને વિટામિન હોય છે, પરંતુ ઘણા અહેવાલો કહે છે કે ઈંડામાં અન્ય ખાદ્યપદાર્થો કરતા વધુ કોલેસ્ટ્રોલ હોય છે.

ઈંડામાં કયા પોષક તત્વો હોય છે?

1 ઈંડું ખાવાથી શરીરને લગભગ 75 કેલરી, 5 ગ્રામ ચરબી, 6 ગ્રામ પ્રોટીન, 70 ગ્રામ સોડિયમ, 67 મિલિગ્રામ પોટેશિયમ, 210 મિલિગ્રામ કોલેસ્ટ્રોલ અને 0 કાર્બોહાઈડ્રેટ્સ મળે છે. ઈંડામાં વિટામિન B12 અને વિટામિન A અને D મળી આવે છે. ઈંડા ખાવાથી મેટાબોલિઝમ મજબૂત થાય છે.

શું ઇંડા કોલેસ્ટ્રોલ વધારે છે?

શરીરમાં કોલેસ્ટ્રોલ વધવાથી હાર્ટ પ્રોબ્લેમનું જોખમ ઝડપથી વધી જાય છે. જો કે, સંશોધનમાં જાણવા મળ્યું છે કે ઇંડામાં રહેલું કોલેસ્ટ્રોલ શરીર પર કોઈ નકારાત્મક અસર કરતું નથી. હા, એ વાત સાચી છે કે તમારે ઈંડાનું સેવન યોગ્ય રીતે કરવું જોઈએ. આ માટે જરૂરી છે કે તમે ઈંડાને ખૂબ તેલ કે માખણમાં પકાવને ન ખાઓ. જો તમે વધુ પડતા તેલમાં પકવેલા ઈંડા ખાઈ રહ્યા છો તો તેનાથી સમસ્યા થઈ શકે છે.

દિલની બિમારીમાં કેટલા ઈંડાં કેવી રીતે ખાવા જોઈએ?

જો તમે હાર્ટ પેશન્ટ છો તો તમારે દરરોજ એક ઈંડું ખાવું જોઈએ. એટલે કે તમે અઠવાડિયામાં 7 ઈંડા ખાઈ શકો છો. જો તમે માત્ર સફેદ ભાગ જ ખાશો તો સારું રહેશે, તેનાથી કોલેસ્ટ્રોલ ઓછું અને વધુ પ્રોટીન મળશે. જો તમે એક કરતા વધુ ઈંડાનું સેવન કરો છો તો ઈંડાની જરદી ન ખાઓ. બહુ ઓછા તેલમાં બાફેલા કે રાંધેલા ઈંડા જ ખાઓ. આવી સ્થિતિમાં એ કહેવું ખોટું છે કે ઈંડાથી હાર્ટ પેશન્ટને નુકસાન થાય છે. ઈંડામાં સારું કોલેસ્ટ્રોલ હોય છે જે નુકસાન કરતું નથી.