સંબંધિત સમાચાર
- ગૃહમંત્રી અમિત શાહે સંગમમાં શ્રદ્ધાથી સ્નાન કર્યું, સંતો સાથે પવિત્ર સ્નાન કર્યું
- મહાકુંભમાં રડ્યા 'IIT બાબા' અભય સિંહ, કહ્યું- 'IIT બાબાની વાર્તા હવે બંધ થવી જોઈએ'
- મમતા કુલકર્ણી બની સંન્યાસી, ગળામાં રૂદ્રાક્ષ-ભગવા કપડા પહેરીને મહાકુંભમાં જોવા મળી અભિનેત્રી, જાણો તેનુ નવુ નામ
- આજે દરેક કોઈ ગર્વથી હિન્દુ છુ બોલે છે... અમદાવાદના આધ્યાત્મિક મેળામાં અમિત શાહની ગર્જના, બતાવ્યુ કેટલીવાર ગયા મહાકુંભ ?
- મહાકુંભમાં વાયરલ થયા ગોલ્ડન બાબા, જેમના શરીર પર છે 6 કરોડ રૂપિયાથી વધુ કિંમતનું સોનું
મૌની અમાવસ્યાના સ્નાન પર્વ પહેલા જ અંદાજિત 10 કરોડ લોકોના મહાકુંભમાં ભક્તોનો પૂર ઉમટ્યો છે
પ્રયાગરાજના રસ્તાઓ મહા કુંભના ત્રીજા સ્નાન ઉત્સવ મૌની અમાવસ્યા પર ત્રિવેણીમાં સ્નાન કરવા દેશ-વિદેશના ખૂણે-ખૂણેથી આવતા ભક્તોની ભીડથી ભરેલા છે. બુધવારે મૌની અમાવસ્યાના દિવસે આઠથી દસ કરોડ લોકો સંગમમાં સ્નાન કરશે તેવો મેળા વહીવટી તંત્રનો અંદાજ છે. મૌની અમાવસ્યા પર, રાત્રિના 12 વાગ્યાથી સ્નાન અને ધ્યાનનો ક્રમ શરૂ થશે, જોકે મહાકુંભ વિસ્તારમાં ભક્તો દિવસ-રાત સ્નાન કરી રહ્યા છે.
ભક્તો પર પુષ્પવર્ષા કરવામાં આવશે
ભીડને જોતા જિલ્લા પ્રશાસને ચુસ્ત સુરક્ષા વ્યવસ્થા ગોઠવી છે. મેળા વિસ્તારમાંથી એમ્બ્યુલન્સ અને પોલીસ વાહનો સિવાય તમામ પ્રકારના વાહનો પર પ્રતિબંધ મુકવામાં આવ્યો છે. મૌની અમાવસ્યાના દિવસે શહેરની તમામ શાળા-કોલેજો બંધ રહેશે. મૌની અમાવસ્યાના દિવસે 13 અખાડાઓના સંતોના સ્નાનની પ્રક્રિયા વહેલી સવારથી શરૂ થશે અને મોડી બપોર સુધી ચાલશે. દરેક ભક્ત આ મનોહર દૃશ્યના સાક્ષી બનવા માટે ઉત્સુક છે. હેલિકોપ્ટરમાંથી ભક્તો પર પુષ્પવર્ષા કરવામાં આવશે.
ભક્તોની સુરક્ષા માટે કડક વ્યવસ્થા કરવામાં આવી છે
સત્તાવાર સૂત્રોના જણાવ્યા અનુસાર, છેલ્લા 17 દિવસમાં 15 કરોડથી વધુ લોકોએ મહાકુંભમાં સ્નાન કર્યું છે, જે અત્યાર સુધીનો રેકોર્ડ છે. મૌની અમાવસ્યા પર 8 થી 10 કરોડ લોકો આવવાનો અંદાજ છે. મહાકુંભ 2025માં ભક્તોની સુવિધા માટે સંપૂર્ણ કાળજી રાખવામાં આવી રહી છે.
