ગુજરાતમાં ફરી બદલાશે મૌસમનો મિજાજ, આ વિસ્તારોમાં પડશે કમોસમી વરસાદ
ગુજરાતમાં 7 માર્ચથી વાતાવરણમાં પલટો આવશે. હવામાન વિભાગના જણાવ્યા મુજબ દક્ષિણ ગુજરાત તેમજ મધ્ય ગુજરાતમાં હળવા બિન-મોસમી વરસાદ અને ગાજવીજ સાથે વરસાદની સંભાવના છે. પંચમહાલ, દાહોદ, મહિસાગર, છોટા ઉદેપુર, વડોદરા, સુરત, ડાંગર, તાપી, નર્મદા અને રાજ્યના અન્ય વિસ્તારોમાં વરસાદનું અનુમાન છે.
હવામાન વિભાગના જણાવ્યા અનુસાર, રાજ્યમાં 7 માર્ચ (સોમવાર)ના રોજ દક્ષિણ ગુજરાતના ડાંગ, તાપી અને નર્મદા જિલ્લામાં હળવા વરસાદની શક્યતા છે. આ ઉપરાંત 8મી માર્ચ (મંગળવાર)ના રોજ પંચમહાલ, દાહોદ, મહિસાગર, છોટા ઉદેપુર, વડોદરા, સુરત, ડાંગ, તાપી અને ગુજરાત પ્રદેશના નર્મદા જિલ્લાના કેટલાક ભાગોમાં હળવો વરસાદ થવાની સંભાવના છે.
હવામાન વિભાગના જણાવ્યા અનુસાર દિવસેને દિવસે વરસાદની શક્યતાઓ પ્રબળ બની રહી છે. માત્ર દક્ષિણ ગુજરાતમાં 7મીએ અને બીજા દિવસે 8મી માર્ચે મધ્ય ગુજરાતની સાથે દક્ષિણ ગુજરાતમાં વરસાદની શક્યતા છે. આ જોતા આગામી દિવસોમાં રાજ્યના અન્ય ભાગોમાં પણ વરસાદી માહોલ સર્જાઇ તો નવાઈ નહીં. હળવો વરસાદ અને ગાજવીજ સાથે વરસાદના પણ સંકેતો છે. રાજ્યના અન્ય ભાગોમાં પણ ઠંડા પવનની શક્યતા છે. વરસાદની મોસમ શરૂ થતાં રાજ્યમાં ફરી એકવાર ઠંડી પડી શકે છે. બદલાયેલા હવામાન વચ્ચે અમદાવાદ સહિત રાજ્યના મોટાભાગના વિસ્તારોમાં તાપમાનમાં ઘટાડો નોંધાયો હતો.
