સંબંધિત સમાચાર
- હવામાન વિભાગે ચાર રાજ્યોમાં વરસાદની ચેતવણી જારી કરી છે, જેમાં 15 એપ્રિલથી એક નવો પશ્ચિમી વિક્ષેપ સક્રિય થવાની ધારણા છે.
- 8 અને 9 એપ્રિલ માટે ઓરેન્જ એલર્ટ, 60 કિમી/કલાકની ઝડપે પવન ફૂંકાય તેવી શક્યતા, ખેડૂતોની ચિંતામાં વધારો
- Rain Alert: આજે વરસાદ સાથે કરા પણ પડશે, દિલ્હી-NCR સહીત 9 રાજ્યોમાં વાવાઝોડાનું સંકટ, ગુજરાતમાં આ તારીખે ભારે પવન સાથે વરસાદની આગાહી
- ગુજરાતમાં કમોસમી વરસાદે ખેડૂતોની ચિંતામાં મોટો કર્યો વધારો
- Weather Updates- 22 રાજ્યો માટે ભારે વાવાઝોડા અને ભારે વરસાદની ચેતવણી જારી
Gujarat Heat wave - સૂકા પવનો ફૂંકાતા રાજ્યમાં ગરમીનો પ્રકોપ; રાજકોટ 42.7 ડિગ્રી સાથે સૌથી ગરમ, જાણો તમારા શહેરની સ્થિતિ
રાજ્યમાં આકરી ગરમી અને હવામાન વિભાગની આગાહી વેસ્ટર્ન ડિસ્ટર્બન્સની અસર ઘટતા અને પશ્ચિમ દિશાના સૂકા પવનો ફૂંકાવાને કારણે ગુજરાતમાં કાળઝાળ ગરમીની શરૂઆત થઈ ગઈ છે. હવામાન વિભાગે ચેતવણી આપી છે કે આગામી 24 કલાકમાં તાપમાનમાં હજુ પણ 2 થી 3 ડિગ્રીનો વધારો થઈ શકે છે. બપોરે 12 થી 4 વાગ્યા દરમિયાન આકરા તાપને લીધે રસ્તાઓ પર સૂમસામ માહોલ જોવા મળી રહ્યો છે અને લોકો લૂથી બચવા માટે મોઢે રૂમાલ તથા ચશ્માનો સહારો લઈ રહ્યા છે.
વિવિધ શહેરોમાં તાપમાનનો પારો 40 ડિગ્રીને પાર
રાજ્યના સાત મુખ્ય શહેરોમાં તાપમાન 40 ડિગ્રીને વટાવી ગયું છે, જેમાં રાજકોટ 42.7 ડિગ્રી સાથે સૌથી ગરમ શહેર નોંધાયું છે. અમરેલીમાં 42.5 અને સુરેન્દ્રનગરમાં 42.1 ડિગ્રી તાપમાન નોંધાયું છે, જ્યારે અમદાવાદમાં પારો 41.5 ડિગ્રી સુધી પહોંચી ગયો છે. આ ઉપરાંત ભુજ, વલ્લભવિદ્યાનગર અને ગાંધીનગરમાં પણ તાપમાન 40 ડિગ્રીથી ઉપર નોંધાતા જનજીવન પ્રભાવિત થયું છે.
ચૂંટણીના દિવસે પણ ગરમીનું જોર યથાવત રહેશે
આગામી 26 એપ્રિલે રાજ્યમાં સ્થાનિક સ્વરાજ્યની ચૂંટણીનું મતદાન થવાનું છે, ત્યારે હવામાન વિભાગના જણાવ્યા અનુસાર તે દિવસે પણ વાતાવરણ એકદમ શુષ્ક રહેશે. મતદાન દરમિયાન તાપમાનનો પારો 40 થી 43 ડિગ્રીની વચ્ચે રહેવાની શક્યતા છે, જેના કારણે મતદારોએ કાળઝાળ ગરમીનો સામનો કરવો પડી શકે છે. વડોદરા અને સુરત જેવા શહેરોમાં પણ તાપમાન 40 ડિગ્રીની નજીક રહેવાની ધારણા છે.
