ઉદયપુરમાં વિદેશી મહિલા યુટ્યુબર સાથે શરમજનક હરકત, વારંવાર હોઠ પર કિસ કરવાની કરી માંગ; વીડિયો 50 લાખથી વધુ વખત જોવાયો
રાજસ્થાનના ઉદયપુરમાં ફરવા આવેલી એક વિદેશી મહિલા યુટ્યુબર સાથે અણછાજતું વર્તન કરવામાં આવ્યું હોવાનો વીડિયો સોશિયલ મીડિયા પર વાયરલ થયો છે. થાઈ-ફ્રેન્ચ મૂળની યુટ્યુબર 'જસ્ટકેથ' (JustKeth) રાત્રિના સમયે ઉદયપુરની એક જાહેર જગ્યાએ લાઇવસ્ટ્રીમ કરી રહી હતી. આ દરમિયાન એક અજાણ્યો વ્યક્તિ તેમની પાસે આવ્યો અને વારંવાર હોઠ પર કિસ કરવાની માંગ કરવા લાગ્યો.
વીડિયોમાં જોવા મળે છે કે, તે વ્યક્તિ મહિલા યુટ્યુબરને કહે છે, "પ્લીઝ, એક કિસ... હોઠ પર એક કિસ." જોકે, મહિલાએ તરત જ આ માંગનો સ્પષ્ટ ઇનકાર કર્યો હતો. તેમ છતાં તે વ્યક્તિ વારંવાર કિસ કરવાની જીદ કરતો રહ્યો. મહિલાના ચહેરા પરની અસહજતા પરથી સ્પષ્ટ જણાતું હતું કે તે આ વર્તનથી પરેશાન થઈ ગઈ હતી.
થોડીવાર બાદ વાતચીતનો વિષય બદલાયો અને તે વ્યક્તિએ કિસની જગ્યાએ મહિલા સાથે ફોટો પડાવવાની ઇચ્છા વ્યક્ત કરી. મહિલા ફોટો પડાવવા માટે સંમત થઈ હતી. જોકે, સમગ્ર ઘટના દરમિયાન તે અસહજ જણાતી હતી. અંતે જ્યારે તે વ્યક્તિ ત્યાંથી જવા લાગ્યો ત્યારે તેણે હાથ મિલાવવા માટે હાથ લંબાવ્યો. તેના જવાબમાં મહિલા યુટ્યુબરે હાથ મિલાવવાને બદલે મુઠ્ઠી આગળ કરીને ફિસ્ટ બમ્પ આપ્યો હતો.
ઇન્સ્ટાગ્રામ પર વીડિયો વાયરલ, 50 લાખથી વધુ વ્યૂઝ
જસ્ટકેથે આ વીડિયો ઇન્સ્ટાગ્રામ પર શેર કરતાં કેપ્શનમાં લખ્યું હતું, "ઓછામાં ઓછું તેણે પૂછ્યું તો ખરું." આ વીડિયો અત્યાર સુધીમાં 50 લાખથી વધુ વખત જોવાઈ ચૂક્યો છે. વીડિયો સામે આવ્યા બાદ સોશિયલ મીડિયા પર લોકો તે વ્યક્તિના વર્તનની ટીકા કરી રહ્યા છે.
અનેક યુઝર્સે સવાલ ઉઠાવ્યો છે કે જ્યારે મહિલાએ સ્પષ્ટ રીતે ના પાડી દીધી હતી, તો પણ તે વ્યક્તિ વારંવાર કિસ કરવાની જીદ શા માટે કરતો રહ્યો? એક યુઝરે આશ્ચર્ય વ્યક્ત કરતાં લખ્યું, "ઓહ માય ગોડ! કેટલી હિંમત છે આ વ્યક્તિની!"
મહિલાની 'ના'નો આદર કરવો જરૂરી
આ ઘટનાએ જાહેર સ્થળોએ મહિલાઓની સુરક્ષા અને વ્યક્તિગત મર્યાદાઓના સન્માન અંગે ફરી ચર્ચા જગાવી છે. અજાણ્યા વ્યક્તિ સાથેની સામાન્ય વાતચીતમાં પણ જો કોઈ વ્યક્તિ અસહજતા અનુભવે અથવા સ્પષ્ટ ઇનકાર કરે, તો તેની ઇચ્છાનો આદર કરવો જરૂરી છે. સંમતિ વિના કોઈના પર દબાણ કરવું યોગ્ય નથી.
Thai Twitch streamer Keth is currently visiting India and was livestreaming in Udaipur. During her stream, a man approached her and asked for a lip kiss, making her visibly uncomfortable. She said no but he kept insisting ???? This harassment is unacceptable and damages Indias image as a tourist destination. I request the authorities to identify the man and take appropriate action against him.
— Lakshay Mehta (@lakshaymehta08) November 14, 2026
div>

