દિકરાએ માતાની યાદમાં બનાવ્યો તાજમહેલ

Tajmahal Tamil Nadu: એક પુત્રએ માતાની યાદમાં કરોડો રૂપિયા ખર્ચીને તાજમહેલની પ્રતિકૃતિ બનાવી છે. આ મામલો તમિલનાડુના તિરુવરુર જિલ્લાનો છે જ્યાં અમરુદ્દીન શેખ દાઉદ નામના વ્યક્તિએ તેની માતાની યાદમાં તાજમહેલ જેવું માળખું બનાવ્યું છે. અહેવાલો અનુસાર, તાજમહેલ જેવા ભવ્ય સ્ટ્રક્ચરનો વીડિયો ચોંકાવનારો છે. અમરુદ્દીનની માતા જેલાની બીવીનું 2020માં બીમારીના કારણે નિધન થયું હતું. આ આઘાતમાંથી બહાર આવવાના પ્રયાસમાં અમરુદ્દીને તેની માતાની યાદમાં માતાની યાદમાં બનાવ્યો તાજમહેલ .

તમિલનાડુના તિરુવરુર જિલ્લામાં રહેતા અમરુદ્દીન કહે છે કે તેમની માતા શક્તિ અને પ્રેમનું પ્રતિક હતી. 1989માં એક કાર અકસ્માતમાં પિતાને ગુમાવનાર અમરુદ્દીનના જણાવ્યા અનુસાર, લગભગ 34 વર્ષ પહેલાં તેની માતાએ તેના પતિને ગુમાવ્યા બાદ એકલા હાથે પાંચ બાળકોનો ઉછેર કર્યો હતો. અમરુદ્દીનના પિતાના મૃત્યુ 

સમયે માતાની ઉંમર માત્ર 30 વર્ષની હતી.અમરુદ્દીને કહ્યું, “મારી માતાએ મારા પિતાને ગુમાવ્યા બાદ ફરીથી લગ્ન ન કરવાનો નિર્ણય કર્યો, જોકે તે અમારા સમુદાયમાં સામાન્ય પ્રથા છે. તે સમયે હું અને મારી બહેનો ખૂબ જ નાની હતી. મારી માતાએ અમારા કુટુંબને ઉછેરવા માટે સખત સંઘર્ષ કર્યો. માતા અમારા પિતાની જેમ જ સમગ્ર પરિવાર માટે મજબૂત આધાર બની હતી.

Edited by_Monica sahu