પેનિક અટૈકના કારણે મુસાફરે પ્લેનમાં મચાવ્યો હંગામો, પત્નીનુ ગળુ પણ દબાવી દીધુ
એર ઈન્ડિયાની ફ્લાઈટમાં ત્યારે હંગામો મચી ગયો જ્યારે એક વૃદ્ધ વ્યક્તિએ અચાનક ચીસો પાડવાનું શરૂ કરી દીધું. વૃદ્ધ વ્યક્તિ ફ્લાઈટના બિઝનેસ ક્લાસમાં મુસાફરી કરી રહ્યો હતો ત્યારે તેને ગભરાટનો હુમલો આવ્યો. આ દરમિયાન કેબિન ક્રૂ અને અન્ય મુસાફરોએ તેને શાંત કરવાનો પ્રયાસ કર્યો હતો. પરંતુ તેમ છતાં તે લગભગ સાત કલાક સુધી બૂમો પાડતો રહ્યો. આ ઘટના બુધવારની છે
એક સાક્ષીએ જણાવ્યું કે વૃદ્ધ વ્યક્તિ લગભગ 70 વર્ષનો હતો અને તેની ઉંચાઈ 6 ફૂટ હતી. વૃદ્ધની અંદર ગુસ્સો અને ચીડિયાપણું બંને દેખાતા હતા. આ દરમિયાન તેણે ભારે હોબાળો મચાવ્યો હતો. વૃદ્ધે પણ પત્નીનું ગળું દબાવવાનો પ્રયાસ કર્યો હતો. ફ્લાઇટમાં એક ડૉક્ટર દ્વારા વૃદ્ધ વ્યક્તિને દવા આપવામાં આવી, જેના પછી તે શાંત થઈ ગયો.
