પઠાણકોટમાં આર્મી કેમ્પના ત્રિવેણી ગેટ પાસે ગ્રેનેડ વિસ્ફોટ થયો
પંજાબના પઠાણકોટમાં આર્મી કેમ્પના ત્રિવેણી ગેટ પાસે સોમવારે સવારે ગ્રેનેડ વિસ્ફોટ થયો હતો. વિસ્ફોટમાં જાન-માલના નુકસાન અંગે કોઈ માહિતી નથી.
પઠાણકોટના એસએસપી સુરિન્દર લાંબાએ જણાવ્યું કે પઠાણકોટમાં આર્મી કેમ્પના ત્રિવેણી ગેટ પાસે ગ્રેનેડ વિસ્ફોટ થયો. સીસીટીવી ફૂટેજ દ્વારા ઘટનાની વિગતો મેળવવામાં આવી રહી છે. આ મામલે તપાસ ચાલી રહી છે.
ઘટના બાદ વિસ્તારને સીલ કરી દેવામાં આવ્યો છે. હુમલાખોરોની શોધમાં વિસ્તારમાં સર્ચ ઓપરેશન ચાલી રહ્યું છે. તસવીર સૌજન્યઃ ફાઈલ ફોટો
