કોટા - અગાશી પર કપડા સુકવવા ગઈ મહિલાના ખભા પર આવી બેસ્યો વાંદરો, ગભરાઈ જતા આવ્યો હાર્ટ અટેક, થયુ મોત
monkey attack
રાજસ્થાનના કોટામાંથી એક ચોંકાવનારી અને દુ:ખદ ઘટના સામે આવી છે. વાંદરાઓના હુમલામાં 28 વર્ષીય પરિણીત મહિલાનું હૃદયરોગના હુમલાથી મૃત્યુ થયું. મૃતકની ઓળખ રેણુ ભટ્ટ તરીકે થઈ છે, જે કાંસુઆ વિસ્તારના જગાંવ મોહલ્લાની રહેવાસી છે, જેને 6 વર્ષની પુત્રી પણ છે.
એક વાંદરો કૂદીને સીધો તેના ખભા પર બેસી ગયો
આ ઘટના સોમવારે બપોરે બની હોવાનું કહેવાય છે. રેણુ કપડાં સૂકવવા માટે તેના ઘરની અગાશી પર ગઈ હતી. અચાનક વાંદરાઓનું એક ટોળું દેખાયું. રેણુ કોઈ પ્રતિક્રિયા આપે તે પહેલાં, એક વાંદરો કૂદીને સીધો તેના ખભા પર બેસી ગયો. આ અચાનક થયેલા હુમલાથી રેણુ ગભરાઈને બેહોશ થઈ ગઈ.
પરિવારજનો રેણુને હોસ્પિટલ લઈ ગયા
બૂમાબૂમ અને ચીસો સાંભળીને, પરિવાર તાત્કાલિક અગાશી પર દોડી ગયો અને ગભરાયેલી રેણુને હોસ્પિટલ લઈ ગયો, જ્યાં ડોક્ટરોએ તપાસ બાદ તેને મૃત જાહેર કરી. મૃતકના ચહેરા અને પીઠ પર વાંદરાના પંજાના નિશાન પણ મળી આવ્યા. પ્રાથમિક તપાસ મુજબ, ગભરાટના કારણે મહિલાને સાયલંટ અટેક આવ્યો હતો. રેણુનું તબિયત અચાનક બગડતા તેનુ મોત થયું હતું.
જયપુરના રામગંજ વિસ્તારમાં વાંદરાઓના આતંકથી એક વ્યક્તિનું મોત થઈ ચૂક્યું છે.
ઉલ્લેખનીય છે કે, અગાઉ જયપુરના રામગંજ વિસ્તારમાં સુશીલા નામની એક મહિલાએ વાંદરાના હુમલાથી બચવા માટે અગાશી પરથી કૂદી જતા મૃત્યુ પામી હતી. આ ઘટના બાદ, કોટા શહેરમાં વાંદરાઓના વધતા ત્રાસનો મુદ્દો ફરી એકવાર ચર્ચામાં આવ્યો છે. કાનસુઆ વિસ્તારમાં વાંદરાઓની સમસ્યા અંગે અગાઉ ફરિયાદો મળી હોવાના અહેવાલ છે. હવે, જોવાનું એ રહ્યું કે મહાનગરપાલિકા આ મામલે આગળ કાર્યવાહી કરશે કે નહીં.

