સંબંધિત સમાચાર
- પંજાબ કિંગ્સ માટે ટેંશન બની ગયો છે આ 18 કરોડવાળો ખેલાડી, 4 મેચ માં લીધી માત્ર 2 વિકેટ
- શ્રેયસ ઐય્યર પાસે ઈતિહાસ રચવાની તક, 34 રન બનાવતા જ વિરાટ અને ધવનને છોડશે પાછળ
- ક્રિકેટર શ્રેયસ ઐય્યરને હોસ્પિટલમાથી મળી રજા, જાણો હવે કેવુ છે સ્વાસ્થ્ય ?
- IPL માં પ્રીતિ ઝીંટાની બલ્લે-બલ્લે, પંજાબ કિંગ્સની જીત પછી અભિનેત્રીની સ્પેશ્યલ પોસ્ટ કેમ થઈ રહી છે વાયરલ ?
- જે ખેલાડીને કાઢ્યો, તેણે જ લગાવી દીધી મુંબઈ ઈંડિયંસની લંકા, નીકળ્યો છુપો રુસ્તમ
VIDEO: આ કેચ હતો કે જાદુ, વાનખેડેમાં બાઉન્ડ્રી લાઈન પર જોવા મળ્યો ઐય્યરનો મેજિક, રોહિત શર્મા પણ રહી ગયા દંગ
Shreyas Iyer Catch: IPL 2026 ની 24મી મેચમાં પંજાબ કિંગ્સ અને મુંબઈ ઇન્ડિયન્સ વચ્ચે એક રોમાંચક મેચ રમાઈ. આ મેચમાં પંજાબ કિંગ્સના કેપ્ટન શ્રેયસ ઐયરે બાઉન્ડ્રી લાઇન પર એક એવો ચમત્કાર કર્યો જેની કદાચ કોઈએ અપેક્ષા રાખી ન હતી. હકીકતમાં, આ મેચમાં શ્રેયસ ઐયરે તેના સાથી ઝેવિયર બાર્ટલેટ સાથે મળીને બાઉન્ડ્રી લાઇન પર એક અદ્ભુત કેચ પકડ્યો. બાઉન્ડ્રી પર શ્રેયસ ઐયરે બતાવેલી ચપળતા જોઈને મુંબઈ ઇન્ડિયન્સ ડગઆઉટમાં હાજર રોહિત શર્મા પણ આશ્ચર્યચકિત થઈ ગયો. રોહિતની પ્રતિક્રિયા વાયરલ થઈ રહી છે.
SHREYAS IYER, WHAT HAVE YOU DONE!!
— IndianPremierLeague (@IPL) April 16, 2026
One of the best catches you would see in the #TATAIPL history
Updates https://t.co/Fn2dxJ4zYR#KhelBindaas | #MIvPBKS | @PunjabKingsIPL pic.twitter.com/6EKgHR82cL
18 મી ઓવરમાં શ્રેયસ ઐય્યરે પકડ્યો જાદુઈ કેચ
આ આખી ઘટના 18 મી ઓવરના ત્રીજા બોલ પર બની. માર્કો જેન્સન પંજાબ કિંગ્સ તરફથી બોલિંગ કરી રહ્યો હતો. ઓવરના ત્રીજા બોલ પર, હાર્દિક પંડ્યાએ બોલર પર મોટો શોટ મારવાનો પ્રયાસ કર્યો. બોલ તેના બેટના નીચેના ભાગમાં વાગ્યો, જેના કારણે તેનો શોટ એટલો દૂર ન ગયો જેટલો તે ઈચ્છતો હતો. શ્રેયસ ઐય્યર ઝડપથી લોંગ-ઓન તરફથી દોડીને આવ્યો અને બાઉન્ડ્રી તરફ હવા છલાંગ લગાવી અને બોલ પકડીને અદંરની તરફ ફેક્યો, ત્યાં હાજર બાર્ટલેટે કેચ પૂરો કર્યો. આ કેચ ભલે બાર્ટલેટનાં નામે થયો પણ આખા સ્ટેડિયમને ખબર હતી કે વિકેટ સંપૂર્ણપણે શ્રેયસ ઐય્યરની છે.
રોહિત શર્મા અને સૂર્યકુમાર યાદવ જોતા જ રહી ગયા
કેચથી વાનખેડે સ્ટેડિયમમાં શાંતિ છવાઈ ગઈ. મુંબઈ ઇન્ડિયન્સના ડગઆઉટમાં બેઠેલા સૂર્યકુમાર યાદવ અને રોહિત શર્માની પ્રતિક્રિયાઓ પરથી જાણવા મળ્યું કે તેઓ પણ ઐયરની ફિલ્ડિંગથી આશ્ચર્યચકિત થઈ ગયા હતા. સૂર્યા અને રોહિત આ શાનદાર ફિલ્ડિંગથી સ્તબ્ધ થઈ ગયા. આઉટ થયા પછી હાર્દિક પંડ્યા પોતે પણ આશ્ચર્યચકિત થઈ ગયો. 14 રનની ઇનિંગ રમીને તેને પરત ફરવું પડ્યું. કેચ પૂર્ણ કર્યા પછી, શ્રેયસ ઐયર ઉભા થયા, ભીડ તરફ ઈશારો કર્યો અને ખૂબ જ ઉત્સાહથી કેચની ઉજવણી કરી.
ક્વીન્ટન ડી કોક ની સદી
મુંબઈ ઈન્ડિયન્સનું બેટિંગ પ્રદર્શન પ્રભાવશાળી રહ્યું, કારણ કે તેઓએ 20 ઓવર પછી 6 વિકેટ ગુમાવીને 195 રન બનાવ્યા. આ મેચમાં મુંબઈ ઈન્ડિયન્સ તરફથી ક્વિન્ટન ડી કોકે શાનદાર સદી ફટકારી, 60 બોલમાં અણનમ 112 રન બનાવ્યા. નમન ધીરે પણ 31 બોલમાં 50 રનનું યોગદાન આપ્યું, જેમાં તેણે 3 ચોગ્ગા અને 3 છગ્ગા ફટકાર્યા. પંજાબ કિંગ્સે ટોસ જીતીને પ્રથમ બોલિંગ કરવાનો નિર્ણય લીધો.
