એક્શન મોડમાં PCB, ઝિમ્બાબ્વેના બોલર વિરુદ્ધ લઈ શકે છે લીગલ એક્શન, IPL માટે PSL છોડવાનો કર્યો નિર્ણય

Publish: Sat, 14 Mar 2026 (13:51 IST) Updated: Tue, 17 Mar 2026 (17:13 IST)

IPL 2026 ના શરૂ થતા પહેલા કલકત્તા નાઈટ રાઈડર્સની ફ્રેંચાઈજીએ એક મોટો નિર્ણય લેતા ઝિમ્બાબવેના ઝડપી બોલર બ્લેસિંગ મુજરબાનીને પોતાને ટીમમાં સામેલ કર્યો છે. કેકેઆર એ મુસ્તફિઝુર રહેમાનના સ્થાને તેને ટીમમાં સામેલ કર્યો છે. દેશમાં થયેલા વિવાદ બાદ, KKR એ મુસ્તફિઝુર રહેમાનને રિલીઝ કર્યો હતો. જોકે, કોલકાતાએ હવે તેના સ્થાને બ્લેસિંગ મુઝારબાનીનો સમાવેશ કર્યો છે.

મુઝારબાનીએ PSL છોડીને IPLમાં રમવાનો નિર્ણય લીધો

મુઝારબાનીને પોતાની ટીમમાં સામેલ કરીને, KKR એ પાકિસ્તાનમાં એક નવો વિવાદ ઉભો કર્યો છે. પરિણામે, પાકિસ્તાન ક્રિકેટ બોર્ડ હવે બ્લેસિંગ મુઝારબાની સામે કાનૂની કાર્યવાહી કરવાની તૈયારી કરી રહ્યું છે. KKR માં જોડાતા પહેલા, પાકિસ્તાન સુપર લીગની ટીમ ઇસ્લામાબાદ યુનાઇટેડે શમાર જોસેફના સ્થાને મુઝારબાનીને પોતાની ટીમમાં સામેલ કર્યો હતો. હવે, જ્યારે તેને KKR વતી રમવાની તક મળી, ત્યારે બ્લેસિંગ મુઝારબાની તરત જ પાકિસ્તાન સુપર લીગ છોડીને IPLમાં રમવા માટે સંમત થયા.

PCB મુઝારબાની સામે કાનૂની કાર્યવાહી કરી શકે

જિયો સુપરના અહેવાલ મુજબ, PCB હવે 29 વર્ષીય મુઝારબાની સામે કાનૂની કાર્યવાહી કરવાની યોજના બનાવી રહ્યું છે. આ પહેલી વાર નથી જ્યારે કોઈ ખેલાડીએ IPL રમવા માટે PSL છોડી દેવાનો નિર્ણય લીધો હોય. ગયા વર્ષે, દક્ષિણ આફ્રિકાના ફાસ્ટ બોલર કોર્બિન બોશે પણ આવું જ કર્યું હતું. 2025 માં, પેશાવર ઝાલ્મીએ બોશને ડાયમંડ પ્લેયર તરીકે પસંદ કર્યો હતો. જોકે, તે પછીથી મુંબઈ ઇન્ડિયન્સ સાથે રિપ્લેસમેન્ટ પ્લેયર તરીકે જોડાયો.

T20 વર્લ્ડ કપમાં બ્લેસિંગ મુઝારાબાનીનું પ્રદર્શન પ્રભાવશાળી રહ્યુ

બ્લેસિંગ મુઝારાબાની અગાઉ T20 વર્લ્ડ કપમાં રમ્યા હતા અને શાનદાર બોલિંગ કરી હતી. તેણે છ મેચમાં 13 વિકેટ લીધી હતી, જે ટુર્નામેન્ટમાં બીજા ક્રમે સૌથી વધુ વિકેટ લેનાર બોલર તરીકે રહ્યો હતો. તેણે ગ્રુપ સ્ટેજમાં ઓસ્ટ્રેલિયા સામે ઝિમ્બાબ્વેની જીતમાં ચાર વિકેટ લઈને મુખ્ય ભૂમિકા ભજવી હતી. આ ટુર્નામેન્ટમાં ઝિમ્બાબ્વે સુપર 8 માં પહોંચ્યું હતું. હવે, કોલકાતા નાઈટ રાઇડર્સ IPLમાં તેમની પાસેથી સમાન પ્રદર્શનની આશા રાખશે.