IPL ની શરૂઆત પહેલા CSK ને તગડો શોક, ટીમનો આ સુપરસ્ટાર આખી સિઝન રમી શકશે નહીં

આઈપીએલ 2023ની તૈયારીઓ પૂર્ણ થઈ ગઈ છે. IPLની 16મી સિઝન 31 માર્ચથી શરૂ થઈ રહી છે. શિડ્યુલ બહાર પાડવામાં આવ્યું છે. ચેન્નાઈ સુપર કિંગ્સની ટીમ આ વર્ષે ખિતાબ જીતીને મહેન્દ્ર સિંહ ધોનીને યાદગાર વિદાય આપવા માંગે છે. પરંતુ સીઝનની શરૂઆત પહેલા જ CSKને મોટો ઝટકો લાગ્યો છે.

સીએસકેને ફટકો

ઇંગ્લેન્ડના ટેસ્ટ કેપ્ટન બેન સ્ટોક્સ આયર્લેન્ડ સામેની વન-ઑફ ટેસ્ટ અને એશિઝ સિરીઝની તૈયારી માટે IPL વહેલું છોડી દેશે. આઇપીએલની ફાઇનલ 28 મેના રોજ યોજાશે જ્યારે ઇંગ્લેન્ડે ચાર દિવસ પછી 1 જૂનથી લોર્ડ્સમાં આયર્લેન્ડ સામે એકમાત્ર ટેસ્ટ રમવાની છે. ઓસ્ટ્રેલિયા સામે એશિઝ શ્રેણી 16 જૂનથી શરૂ થશે. સ્ટોક્સ વિવિધ કારણોસર છેલ્લી બે આઈપીએલ ચૂકી ગયો હતો.

જેમાં 16 કરોડથી વધુની બોલી લાગી હતી

ગયા વર્ષે ડિસેમ્બરમાં યોજાયેલી હરાજીમાં સ્ટોક્સને ચાર વખતની ચેમ્પિયન ચેન્નાઈ સુપર કિંગ્સે 16.25 કરોડ રૂપિયામાં ખરીદ્યો હતો. સ્ટોક્સે કહ્યું કે ચેન્નાઈ સુપર કિંગ્સ ફાઇનલમાં પહોંચી હોવા છતાં, તે ઈંગ્લેન્ડના ઉનાળાના વ્યસ્ત કાર્યક્રમની તૈયારી કરવા માટે સ્વદેશ પરત ફરશે. સ્ટોક્સને પૂછવામાં આવ્યું કે શું તે આયર્લેન્ડ સામેની ટેસ્ટ મેચમાં રમશે તો તેણે કહ્યું, હા હું રમીશ. હું એ સુનિશ્ચિત કરવા માંગુ છું કે તે મેચની તૈયારી માટે હું મારી જાતને પૂરતો સમય આપું.

ઓલરાઉન્ડરે કહ્યું કે તે આઈપીએલમાં રમી રહેલી ઈંગ્લેન્ડની ટેસ્ટ ટીમના સભ્યો સાથે પણ સલાહ લેશે કે તે એશિઝની તૈયારી માટે શું કરવા માંગે છે. જો રૂટ, માર્ક વૂડ, જોની બેરસ્ટો, લિયામ લિવિંગસ્ટોન, જોફ્રા આર્ચર, સેમ કુરાન અને હેરી બ્રુક આઈપીએલમાં રમવા માટે તૈયાર છે.