WTC 2023 Points Table : આ છે ટીમ નંબર વન, જાણો ટીમ ઈંડિયાના શુ છે હાલ
ICC World Test Championship Points Table :ટેસ્ટ શ્રેણીની સિઝન ફરી આવી રહી છે. ટીમ ઈન્ડિયા પણ ટેસ્ટ રમવાની તૈયારી કરી રહી છે, જો કે હજુ સમય છે, પરંતુ આ દરમિયાન ચાર ટીમો ટેસ્ટ રમવા જઈ રહી છે. ઈંગ્લેન્ડની ટીમ હાલ પાકિસ્તાનના પ્રવાસે છે અને ત્યાં ત્રણ ટેસ્ટ મેચની શ્રેણી રમાશે. શ્રેણીની પ્રથમ મેચ 1 ડિસેમ્બરે રાવલપિંડીમાં રમાશે. સાથે જ વેસ્ટ ઈન્ડિઝની ટીમ ટેસ્ટ શ્રેણી માટે ઓસ્ટ્રેલિયા પહોંચી ગઈ છે અને બધાની નજર ત્યાં પણ છે. આ મેચ 30 નવેમ્બરથી શરૂ થવા જઈ રહી છે. પરંતુ ટેસ્ટ શ્રેણી શરૂ થાય તે પહેલા તમારે એ પણ જાણવું જોઈએ કે વર્લ્ડ ટેસ્ટ ચેમ્પિયનશિપ એટલે કે WTCના પોઈન્ટ ટેબલની સ્થિતિ શું છે. હાલમાં કઈ ટીમ નંબર વન પર કબજો જમાવી રહી છે અને ટીમ ઈન્ડિયા ક્યાં છે.
ડબલ્યુટીસીના પોઈંટ્સ ટેબલમાં ઓસ્ટ્રેલિયા હાલ નંબર વન પર
વર્લ્ડ ટેસ્ટ ચેમ્પિયનશિપ એટલે કે WTCના પોઈન્ટ ટેબલની વાત કરીએ તો હાલમાં ઓસ્ટ્રેલિયાની ટીમ નંબર વન પર છે. ટીમની જીતની ટકાવારી 70 છે, જે સૌથી વધુ છે. બીજી તરફ આ ટીમના પોઈન્ટની વાત કરીએ તો તે 84 છે, જે પણ સૌથી વધુ છે. એટલે કે, WTCની ફાઇનલમાં જવા માટે, આ ટીમ હાલમાં આગળ છે. આ પછી જો બીજા નંબરની વાત કરીએ તો અહીં દક્ષિણ આફ્રિકાની ટીમનો કબજો છે.,વર્લ્ડ ટેસ્ટ ચેમ્પિયનશિપ એટલે કે WTCના પોઈન્ટ ટેબલની વાત કરીએ તો હાલમાં ઓસ્ટ્રેલિયાની ટીમ નંબર વન પર છે. ટીમની જીતની ટકાવારી 70 છે, જે સૌથી વધુ છે. બીજી તરફ આ ટીમના પોઈન્ટની વાત કરીએ તો તે 84 છે, જે પણ સૌથી વધુ છે. એટલે કે, WTCની ફાઇનલમાં જવા માટે, આ ટીમ હાલમાં આગળ છે. આ પછી જો બીજા નંબરની વાત કરીએ તો અહીં દક્ષિણ આફ્રિકાની ટીમનો કબજો છે.
ટીમ ઈન્ડિયા માટે આવનારી છ ટેસ્ટ મેચ મહત્વની
ભારતીય ટીમ આવતા મહિને એટલે કે ડિસેમ્બરમાં બાંગ્લાદેશના પ્રવાસે જશે. પ્રથમ ત્રણ વનડે ત્યાં રમાશે અને ત્યાર બાદ બે ટેસ્ટ મેચોની શ્રેણી રમાશે. આ બંને ટેસ્ટ ભારતીય ટીમ માટે ખૂબ જ મહત્વપૂર્ણ હશે, કદાચ આ જ કારણ છે કે ભારતની સૌથી મજબૂત ટીમને આ શ્રેણી માટે પસંદ કરવામાં આવી છે, કારણ કે તેમાં ભૂલ માટે કોઈ જગ્યા હોવી જોઈએ નહીં. આ પછી ટીમ ઈન્ડિયા ઓસ્ટ્રેલિયા સામે ચાર ટેસ્ટ મેચની શ્રેણી રમશે. જો કે તેનું શેડ્યૂલ હજુ સુધી જાહેર કરવામાં આવ્યું નથી. આ ચાર ટેસ્ટ મેચ પણ ઘણી ખાસ હશે. જો ભારતીય ટીમ આ છમાંથી છ મેચ જીતી લે છે તો વર્લ્ડ ટેસ્ટ ચેમ્પિયનશિપની પણ ફાઇનલમાં પહોંચવાની પ્રબળ શક્યતાઓ છે. પરંતુ એક હાર ભારતીય ટીમનું સપનું તોડવા માટે પૂરતી હશે. આ પહેલા પણ ટીમ ઈન્ડિયા WTCની ફાઇનલમાં પહોંચી હતી, પરંતુ ફાઇનલમાં ન્યૂઝીલેન્ડના હાથે હારનો સામનો કરવો પડ્યો હતો. ભારતીય ટીમ બીજી આઈસીસી ટ્રોફીની ખૂબ નજીક હતી, પરંતુ મિશન પૂર્ણ થયું ન હતું. હવે જોવાનું એ રહેશે કે ભારતીય ટીમ સિવાય અન્ય ટીમો આગામી ટેસ્ટ મેચોમાં કેવું પ્રદર્શન કરે છે અને કઈ બે ટીમો ફાઇનલમાં પહોંચવામાં સફળ થાય છે.
