ગણપતિ બાપ્પાના સ્વાગત માટે 3 પ્રકારના ચોકલેટ મોદકની રેસિપી

ગણેશ ચતુર્થીના પાવન પર્વ પર બાપ્પાને પરંપરાગત મોદકની સાથે કંઈક અલગ પ્રસાદ ધરાવવા માંગતા હો, તો ચોકલેટ મોદક એકદમ પરફેક્ટ છે. બાળકો અને મોટા બંનેને પસંદ આવે તેવી આ ત્રણ સરળ રેસિપી ઘરે સરળતાથી બનાવી શકાય છે.

1. ચોકલેટ-કોકો મોદક

સામગ્રી
મિલ્ક પાવડર – 1 કપ

કોકો પાવડર – 2 ટેબલસ્પૂન

કન્ડેન્સ્ડ મિલ્ક – ½ કપ

દૂધ – 2-3 ટેબલસ્પૂન

ઘી – 1 ટીસ્પૂન

કાજુ-બદામ – 2 ટેબલસ્પૂન, બારીક સમારેલા

બનાવવાની રીત

એક કડાઈમાં ઘી ગરમ કરી તેમાં મિલ્ક પાવડર અને કોકો પાવડર ઉમેરો.

તેમાં કન્ડેન્સ્ડ મિલ્ક ઉમેરીને ધીમા તાપે સતત હલાવો.

જરૂર મુજબ થોડું દૂધ ઉમેરીને મિશ્રણને સ્મૂધ કરો.

મિશ્રણ કડાઈ છોડવા લાગે ત્યારે તેમાં કાજુ-બદામ ઉમેરો અને ગેસ બંધ કરી દો.

મિશ્રણ થોડું ઠંડું થાય ત્યારે મોદકના મોલ્ડમાં ભરીને આકાર આપો.

તૈયાર ચોકલેટ મોદકને 10-15 મિનિટ માટે ફ્રિજમાં રાખો.

2. ડ્રાયફ્રૂટ ચોકલેટ મોદક

સામગ્રી

ડાર્ક અથવા મિલ્ક ચોકલેટ – 200 ગ્રામ

કાજુ – ¼ કપ

બદામ – ¼ કપ

પિસ્તા – 2 ટેબલસ્પૂન

કિસમિસ – 2 ટેબલસ્પૂન

નાળિયેરનું છીણ – 2 ટેબલસ્પૂન

બનાવવાની રીત

કાજુ, બદામ અને પિસ્તાને બારીક સમારી લો.

ચોકલેટને ડબલ બોઇલર પદ્ધતિથી ઓગાળો.

તેમાં સમારેલા ડ્રાયફ્રૂટ્સ, કિસમિસ અને નાળિયેરનું છીણ મિક્સ કરો.

મોદકના મોલ્ડને થોડું ઘી લગાવી તેમાં ચોકલેટનું મિશ્રણ ભરો.

મોલ્ડને ફ્રિજમાં 20-30 મિનિટ માટે રાખો.

ચોકલેટ સેટ થઈ જાય પછી મોલ્ડમાંથી મોદક કાઢી લો.

3. ઓરિયો ચોકલેટ મોદક

સામગ્રી

ઓરિયો બિસ્કિટ – 10-12

મિલ્ક પાવડર – ½ કપ

કન્ડેન્સ્ડ મિલ્ક – 3-4 ટેબલસ્પૂન

દૂધ – જરૂર મુજબ

ચોકલેટ ચિપ્સ – 2 ટેબલસ્પૂન

બનાવવાની રીત

ઓરિયો બિસ્કિટને મિક્સરમાં બારીક પીસી લો.

તેમાં મિલ્ક પાવડર અને કન્ડેન્સ્ડ મિલ્ક ઉમેરો.

જરૂર મુજબ થોડું દૂધ ઉમેરીને નરમ કણક જેવું મિશ્રણ તૈયાર કરો.

તેમાં ચોકલેટ ચિપ્સ મિક્સ કરો.

મિશ્રણનો નાનો ભાગ લઈને મોદકના મોલ્ડમાં દબાવીને આકાર આપો.

બધા મોદક તૈયાર થયા બાદ 15-20 મિનિટ ફ્રિજમાં રાખો.