Bhuj News - ખુરશી પરથી પડી અને એક જ ઝાટકે ગુમાવ્યો જીવ, દેશભક્તિ ગીત ગાતી મહિલાને આવ્યો હાર્ટ એટેક જુઓ Video
Bhuj News : ગુજરાતમાંથી એક મોટો કિસ્સો સામે આવ્યો છે. એક કાર્યક્રમમાં દેશભક્તિનું ગીત ગાતી એક મહિલાને અચાનક હાર્ટ એટેક આવ્યો અને તે ખુરશી પરથી જમીન પર પડી. સ્થાનિક લોકોએ મહિલાને હોસ્પિટલમાં દાખલ કરી, પરંતુ તે પહેલા જ તેનું મોત થઈ ગયું. આ અંગેનો એક વીડિયો સોશિયલ મીડિયા પર વાયરલ થઈ રહ્યો છે.
આ ઘટના કચ્છ જિલ્લાના ભુજ શહેરમાં સ્થિત પ્રમુખસ્વામી નગરમાં બની હતી. અહીં વૃક્ષ મિત્ર સંસ્થા દ્વારા દેશભક્તિનો કાર્યક્રમ યોજાયો હતો, જેમાં આરતી બેન રાઠોડ નામની મહિલા ખુરશી પર બેસીને ગીતો ગાતી હતી. ગીત ગાતી વખતે તે ખુરશી પરથી નીચે પડી ગઈ અને જીવ ગુમાવ્યો. કહેવામાં આવી રહ્યું છે કે મહિલાને હાર્ટ એટેક આવ્યો હતો.
મહિલા ખુરશી પર બેસીને ગીત ગાતી હતી
આરતી બેન ખુરશી પરથી પડતાં જ લોકો તેમને પકડવા દોડી આવ્યા હતા અને પછી એમ્બ્યુલન્સ દ્વારા તેમને હોસ્પિટલમાં દાખલ કર્યા હતા, જ્યાં ડોક્ટરોએ તેમને મૃત જાહેર કર્યા હતા. આ દરમિયાન કેટલાક લોકોએ તેમના કાર્યક્રમનો વીડિયો બનાવ્યો, જે સોશિયલ મીડિયા પર વાયરલ થઈ રહ્યો છે. વીડિયોમાં મહિલા ખુરશી પરથી નીચે પડેલી જોવા મળી રહી છે.
