પંજાબ : એ મહિલા જે ઍમ્બ્યુલન્સ ચલાવીને પરિવારનું ગુજરાન ચલાવે છે
પંજાબના જાલંધરમાં રહેતાં મનજિતકોર હાલમાં ઍમ્બ્યુલન્સ ચલાવીને પરિવારનું ગુજરાન ચલાવે છે.
તેઓ બાળપણથી જ ડ્રાઇવિંગનો શોખ ધરાવતાં હતાં પણ 15 વર્ષની ઉંમરે લગ્ન થયાં બાદ દારૂ પીવાની આદત ધરાવતા તેમના પતિએ બધું જ વેચી નાંખ્યું હતું.
જેના પગલે મનજિતકોર પોતાના બાળકને લઈને પિયર આવતાં રહ્યાં. એ બાદમાં પરિવારનું ગુજરાન ચલાવવા તેમણે પોતાના ડ્રાઇવિંગના શોખને વ્યવસાયમાં બદલવાનું નક્કી કર્યું.
તેઓ છેલ્લાં 15 વર્ષથી ઍમ્બ્યુલન્સ ચલાવી રહ્યાં છે અને એ રીતે પરિવારનું ગુજરાન ચલાવી રહ્યાં છે.
