Dhanteras 2021: ઘરમાં સુખ સમૃદ્ધિ લઈને આવે છે આ 7 વસ્તુઓ, ધનતેરસના દિવસે જરૂર લાવો
દર વર્ષે કારતક માસના કૃષ્ણ પક્ષની ત્રયોદશીના દિવસે ધનતેરસનો તહેવાર ઉજવવામાં આવે છે. આ દિવસથી પાંચ દિવસીય દિવાળી પર્વનો પ્રારંભ થાય છે. ધનતેરસના દિવસે ખરીદીનો ટ્રેન્ડ જોવા મળે છે. એવું માનવામાં આવે છે કે આ દિવસે ખરીદી કરવાથી ઘરમાં સુખ, સમૃદ્ધિ અને સમૃદ્ધિ આવે છે. આ વખતે ધનતેરસનો શુભ તહેવાર 2 નવેમ્બર, મંગળવારે આવી રહ્યો છે.
આ દિવસે મોટાભાગના લોકો સોનું, ચાંદી અને વાસણો વગેરે ખરીદે છે. પરંતુ જ્યોતિષ અનિરુદ્ધ જોષીનુ માનવું છે કે તમે ગમે તેટલી ખરીદી કરો, પરંતુ ધનતેરસના દિવસે 7 વસ્તુઓ ખરીદીને ઘરમાં જરૂર લાવો. આ વસ્તુઓ તમારા ઘરમાં બરકત લાવે છે.
આ 7 વસ્તુઓ જરૂર લાવો
1- પિત્તળની વસ્તુ - ધનતેરસના દિવસે દરેક વ્યક્તિ સોનાની વસ્તુઓ ખરીદી શકતો નથી. આવી સ્થિતિમાં, તમે સ્ટીલની જગ્યાએ પિત્તળના વાસણો ખરીદો. ધનતેરસના દિવસે ભગવાન ધન્વંતરિનો અવતરણ થયુ હતુ. એવું માનવામાં આવે છે કે જ્યારે સમુદ્ર મંથન દરમિયાન ભગવાન ધન્વંતરિનુ અવતરણ થયુ હતુ, ત્યારે તેમના એક હાથમાં અમૃતથી ભરેલો પિત્તળનો કળશ હતો, જ્યારે બાકીના હાથમાં અન્ય વસ્તુઓ હતી. આવી સ્થિતિમાં ધનતેરસના દિવસે પિત્તળના વાસણો ખરીદવા ખૂબ જ શુભ માનવામાં આવે છે. આ વાસણ ખરીદ્યા પછી તેમાં ચોખા અથવા કોઈપણ મીઠી વસ્તુ મુકીને તેને ઘરમાં લાવો.
2. ચાંદીનો સિક્કો - જો તમે ચાંદીના ઘરેણાં ખરીદી ન શકતા હોય તો ચાંદીનો સિક્કો ખરીદીને ઘરમાં લાવો. આ સિક્કો તમને વધારે મોંઘો પણ નહી પડે આ તમારા ઘર માટે ખૂબ જ શુભ રહે છે. દિવાળી એ દેવી લક્ષ્મીની પૂજાનો તહેવાર હોવાથી સારું રહેશે કે તમે એવો સિક્કો ખરીદો જેના પર દેવી લક્ષ્મી અને ગણપતિનું ચિત્ર હોય. દિવાળીના દિવસે પૂજા સમયે આ સિક્કાની પણ પૂજા કરો.
3. સાવરણી - સાવરણીને દેવી લક્ષ્મીનું સ્વરૂપ માનવામાં આવે છે. તે ઘરમાંથી ગરીબી દૂર કરવાનું કામ કરે છે. તમે ધનતેરસના દિવસે સાવરણી જરૂર ખરીદીને લાવો. બીજા દિવસે આ ઝાડૂનો ઉપયોગ કરીને દરિદ્રતા દૂર કરો.
4. ચોખા - ચોખાને અક્ષત કહે છે. તે ઘરમાં નુકસાન થવા દેતા નથી, તેથી તેને ખૂબ સૌભાગ્ય અને સમૃદ્ધિનું પ્રતીક માનવામાં આવે છે. ધનતેરસના દિવસે અક્ષત જરૂર ઘરમાં લાવવા જોઈએ. તેનાથી ધનમાં વધારો થાય છે.
5- ગોમતી ચક્ર- કોઈપણ પરિવાર ત્યારે જ સમૃદ્ધ અને સુખી બની શકે છે જ્યારે પરિવારના તમામ લોકો સ્વસ્થ હોય. તેથી જ તો કહેવાય છે કે પ્રથમ સુખ, નિરોગી કાયા. સ્વસ્થ રહેવા માટે 11 ગોમતી ચક્ર ખરીદીને લાવો અને દિવાળીના દિવસે તેમની પૂજા કરો. ત્યારબાદ આ ગોમતીચક્રને પીળા કપડામાં બાંધીને તિજોરીમાં મુકો. તેનાથી તમારા ઘરના લોકો સ્વસ્થ રહેશે અને પરિવારમાં સમૃદ્ધિ આવશે.
6- શ્રીયંત્ર - મા લક્ષ્મીને શ્રી યંત્ર ખૂબ જ પ્રિય છે. ધનતેરસના દિવસે શ્રી યંત્રને ઘરમાં લાવો અને દિવાળીના દિવસે તેની પૂજા કરો. જો શ્રીયંત્ર ઘરમાં પહેલેથી જ હોય, તો તમે ધનતેરસના દિવસે દેવી લક્ષ્મી અને ગણપતિની મૂર્તિઓ ખરીદી શકો છો અને દીપાવલીના દિવસે તેનુ પૂજન કરો.
7. આખા ધાણા - ધનતેરસના દિવસે ધાણાના બીજ જરૂર ખરીદવા જોઈએ અને દિવાળીના દિવસે દેવી લક્ષ્મીને અર્પણ કરવા જોઈએ. તમે બગીચામાં અથવા ઘરના કુંડામાં થોડાક ધાણાના બીજવાવી દો. એવું માનવામાં આવે છે કે આ બીજમાંથી ઉગતી કોથમીર ઘરમાં રાખવામાં સુખ અને સમૃદ્ધિ લાવે છે.
