Ghaziabad News: ગાઝિયાબાદમાં સ્કૂટી શીખી રહેલ યુવટીને કિડનેપ કરીને કર્યો ગેંગરેપ, મિત્રને બનાવ્યો બંધક

Ghaziabad Gang Rape:ઉત્તર પ્રદેશના ગાઝિયાબાદ જિલ્લામાં અપરાધિક ઘટનાઓ વધી રહી છે. હવે એક છોકરી પર સામૂહિક બળાત્કાર થયો છે. પ્રાપ્ત માહિતી અનુસાર, સ્કૂટર ચલાવતા શીખી રહેલી યુવતીનું અપહરણ કરીને તેને ઓટોમાં ખેંચીને નિર્જન જગ્યાએ લઈ જઈને નિર્દયતાથી ગેંગરેપ  કરવામાં આવ્યો હતો. પીડિતાની બહેનપણી અને બહેનપણીનો બોયફ્રેન્ડ પણ ઘટનાસ્થળે હાજર હતો. જેમને બંધક બનાવવામાં આવ્યા હતા. પોલીસે કેસ નોંધીને તપાસ શરૂ કરી છે.

સૂત્રોના જણાવ્યા અનુસાર આ કેસમાં પોલીસને મહત્વની કડીઓ મળી છે. આ સમગ્ર ઘટના ટ્રોનિકા સિટી વિસ્તારમાં બની હતી. જણાવવામાં આવી રહ્યું છે કે ગુરુવારે યુવતી તેની બહેનપણી સાથે ઘરે જઈ રહી હતી. આ સમય દરમિયાન,  તેની બહેનપણીનો બોયફ્રેન્ડને મળ્યો અને પછી છોકરીએ તેનું સ્કૂટર શીખવાનું શરૂ કર્યું. દરમિયાન, ઓટોમાં મુસાફરી કરી રહેલા કેટલાક લોકોએ યુવતીનું અપહરણ કર્યું અને તેને ઝાડીઓમાં નિર્જન જગ્યાએ લઈ જઈ તેના પર બળાત્કાર ગુજાર્યો.

યુવતી ટ્રોનિકા સિટી પોલીસ સ્ટેશન વિસ્તારની એક કંપનીમાં કામ કરે છે.

આ યુવતી દિલ્હીના સોનિયા વિહાર વિસ્તારની રહેવાસી છે, જેની ઉંમર 23 વર્ષ હોવાનું કહેવાય છે. પીડિતા તેની મિત્ર સાથે ટ્રોનિકા સિટી પોલીસ સ્ટેશન વિસ્તારની એક કંપનીમાં કામ કરે છે. જ્યારે આ ઘટના બની ત્યારે યુવતી કામ પરથી પરત ફરી રહી હતી. દુષ્કર્મ આચર્યા બાદ તમામ આરોપીઓ નાસી ગયા હતા.

પોલીસે આરોપીની શોધખોળ શરૂ કરી  

યુવતીએ ઘરે જઈને તેના પરિવારજનોને સમગ્ર ઘટના જણાવી. જે બાદ પરિવાર પોલીસ સ્ટેશન પહોંચ્યો હતો અને સમગ્ર મામલાની પોલીસમાં ફરિયાદ કરવામાં આવી હતી. પોલીસનું કહેવું છે કે ફરિયાદના આધારે તપાસ કરવામાં આવી રહી છે. ટૂંક સમયમાં તમામ આરોપીઓની ધરપકડ કરવામાં આવશે.