ટીમ ઈન્ડિયા પાકિસ્તાનને હરાવીને પહોંચી અમદાવાદ, 18 ફેબ્રુઆરીએ નેધરલેન્ડ્સ સામે ટકરાશે, ભારત પહેલાથી જ સુપર 8 માટેથઈ ગયું છે ક્વોલિફાય

team india

ભારતીય ક્રિકેટ ટીમ સોમવારે કોલંબોથી અમદાવાદ પહોંચી હતી. કોલંબોમાં પાકિસ્તાનને 61 રનથી હરાવીને, ટીમ ઈન્ડિયાએ T20 વર્લ્ડ કપના સુપર 8માં સ્થાન મેળવ્યું. ટીમ ઈન્ડિયા 18 ફેબ્રુઆરીએ અમદાવાદના નરેન્દ્ર મોદી સ્ટેડિયમમાં નેધરલેન્ડ્સ સામે ટકરાશે.

ઈશાન કિશને 77 રનની ઇનિંગ રમી. રવિવારે આર પ્રેમદાસા સ્ટેડિયમ ખાતે પ્રથમ બેટિંગ કરતા ભારતે 7 વિકેટ ગુમાવીને 175 રન બનાવ્યા. ઈશાન કિશને 40 બોલમાં 10 ચોગ્ગા અને 3 છગ્ગા સાથે 77 રનની તોફાની ઇનિંગ રમી. કેપ્ટન સૂર્યકુમાર યાદવે 32 રનનું યોગદાન આપ્યું. પાકિસ્તાન તરફથી સૈમ અયુબે 3 વિકેટ લીધી.

ભારત ગ્રુપ A પોઈન્ટ ટેબલમાં ટોચ પર છે. આ જીત ભારતની ટુર્નામેન્ટમાં સતત ત્રીજી જીત હતી અને તેને ગ્રુપ A પોઈન્ટ ટેબલમાં ટોચ પર લઈ ગઈ હતી. ભારતે 61 રનથી જીત મેળવી હતી. T20 વર્લ્ડ કપના ઇતિહાસમાં પાકિસ્તાન સામે રન માર્જિનથી ભારતનો આ સૌથી મોટો વિજય હતો.

૧૭૬ રનના લક્ષ્યનો પીછો કરતા પાકિસ્તાનની ટીમ 18 ઓવરમાં 114 રનમાં ઓલઆઉટ થઈ ગઈ. ઉસ્માન ખાને સૌથી વધુ ૪૪ રન બનાવ્યા. ભારત તરફથી જસપ્રીત બુમરાહ, અક્ષર પટેલ, વરુણ ચક્રવર્તી અને હાર્દિક પંડ્યાએ ૨-૨ વિકેટ લીધી અને વિજય સુનિશ્ચિત કર્યો.