Daily Horoscope
✕

અમદાવાદ 2008 સિરિયલ બ્લાસ્ટ કેસ: ગુજરાત હાઈકોર્ટે 38 દોષિતોની ફાંસીની સજા રાખી યથાવત

Updated: મંગળવાર, 7 જુલાઈ 2026 (12:11 IST)
વર્ષ 2008ના અમદાવાદ સિરિયલ બોમ્બ બ્લાસ્ટ કેસમાં ગુજરાત હાઇકોર્ટે એક ઐતિહાસિક ચુકાદો આપ્યો છે. હાઇકોર્ટે ટ્રાયલ કોર્ટના નિર્ણયને સંપૂર્ણપણે માન્ય રાખતા 38 દોષિતોને ફટકારાયેલી ફાંસીની સજા અને 11 દોષિતોને આપવામાં આવેલી આજીવન કેદની સજા યથાવત રાખી છે. આ સાથે જ કોર્ટે દોષિતો દ્વારા સજા સામે કરવામાં આવેલી તમામ અપીલોને ફગાવી દીધી છે. આ ચુકાદાને પગલે ગુજરાત હાઇકોર્ટ પરિસરમાં બોમ્બ સ્કવોડ અને મોટી સંખ્યામાં પોલીસ કાફલા સાથે ચુસ્ત સુરક્ષા વ્યવસ્થા ગોઠવવામાં આવી હતી.

ALSO READ: ચાંદીના ભાવમાં તીવ્ર ઘટાડો થયો, સોનાના ભાવમાં પણ ઘટાડો થયો - આજના નવીનતમ ભાવ તપાસો

વર્ષ 2008નો એ કાળો દિવસ: 21 ધડાકા, 56 મોત અને દેશના ઇતિહાસનો સૌથી મોટો ચુકાદો

ઉલ્લેખનીય છે કે, 26 જુલાઈ 2008ના રોજ અમદાવાદ શહેરના 20 અલગ-અલગ સ્થળોએ થયેલા 21 સિરિયલ બોમ્બ બ્લાસ્ટમાં 56 નિર્દોષ લોકોએ જીવ ગુમાવ્યો હતો અને 200થી વધુ લોકો ઘાયલ થયા હતા. આ કેસમાં વર્ષ 2022માં અમદાવાદ સિટી સેશન્સ કોર્ટે એકસાથે 38 આરોપીઓને ફાંસીની સજા ફટકારી હતી, જે દેશના ન્યાયિક ઇતિહાસમાં સૌથી મોટો ચુકાદો માનવામાં આવ્યો હતો. આ કેસમાં કુલ 78 આરોપીઓ સામે ટ્રાયલ ચલાવવામાં આવી હતી, જેમાંથી સેશન્સ કોર્ટે 49 આરોપીઓને દોષિત જાહેર કર્યા હતા અને 29 આરોપીઓને પુરાવાના અભાવે નિર્દોષ મુક્ત કર્યા હતા.
 

ઇજાગ્રસ્તોને વળતર ચૂકવવાનો આદેશ: માર્ચ 2027 સુધીની સમયમર્યાદા

ગુજરાત હાઇકોર્ટે સજા યથાવત રાખવાની સાથે પીડિતો માટે વળતરની પણ જાહેરાત કરી છે. કોર્ટે પોતાના ચુકાદામાં આદેશ આપ્યો છે કે આ બ્લાસ્ટમાં ગંભીર રીતે ઇજાગ્રસ્ત થયેલા લોકોને 5 લાખ રૂપિયા અને સામાન્ય ઇજાગ્રસ્ત થયેલા લોકોને 1 લાખ રૂપિયાનું વળતર ચૂકવવામાં આવે. આ વળતરની રકમ ચૂકવવા માટે હાઇકોર્ટે 31 માર્ચ, 2027 સુધીની સમયમર્યાદા નક્કી કરી છે.
ALSO READ: World Chocolate Day 2026- વર્લ્ડ ચોકલેટ ડેનું મહત્વ

હાઇકોર્ટના ચુકાદા બાદ હવે દોષિતો પાસે સુપ્રીમ કોર્ટનો છેલ્લો વિકલ્પ

ટ્રાયલ કોર્ટના ચુકાદા બાદ રાજ્ય સરકારે ફાંસીની સજાની પુષ્ટિ માટે હાઇકોર્ટના દરવાજા ખટખટાવ્યા હતા, જ્યારે સામે પક્ષે દોષિતોએ પણ અપીલ કરી હતી. હવે ગુજરાત હાઇકોર્ટે ટ્રાયલ કોર્ટના નિર્ણય પર મહોર લગાવી દીધા બાદ, કાનૂની પ્રક્રિયાના ભાગરૂપે દોષિતો પાસે દેશની સર્વોચ્ચ અદાલત એટલે કે સુપ્રીમ કોર્ટમાં અપીલ કરવાનો છેલ્લો વિકલ્પ ઉપલબ્ધ રહેશે. જો દોષિતો ત્યાં અરજી કરશે તો આ કેસની આગામી સુનાવણી સુપ્રીમ કોર્ટમાં હાથ ધરવામાં આવશે.
About Author
કલ્યાણી દેશમુખ
કલ્યાણી દેશમુખ છેલ્લા 19 વર્ષથી ડિઝિટલ મીડિયામાં કામ કરી રહી છે. ગુજરાતી ભાષાનો સારો અનુભવ. વર્તમાનમાં વેબદુનિયાના ગુજરાતી પોર્ટલના સહાયક સંપાદકના રૂપમાં કાર્યરત છે.      અનુભવ - કલ્યાણી દેશમુખ દોઢ દાયકાથી વધુ સમયથી દુનિયાના પહેલા ગુજરાતી પોર્ટલ વેબદુનિયામાં સહાયક સંપાદકના રૂપમાં કાર્યરત છે. તેમણે અનેક લોકસભા, ગુજરાત વિધાનસભા અને ગુજરાત સ્થાનિક સ્વરાજ્ય.... Read More

વધુ જુઓ..

Gujarat Food Menu: લગ્નના મેનુમાં ગુજરાતની આ સ્વાદિષ્ટ વાનગીઓનો સમાવેશ કરો, પાર્ટી બની જશે ઉત્સાહી

પાર્ટી માટે બનાવો 5 સ્વાદિષ્ટ અને મસાલેદાર વેજ સ્ટાર્ટર્સ, મહેમાનો આંગળીઓ ચાટતા રહી જશે!

ઘરે બનાવેલી દાળમાં રેસ્ટોરન્ટ જેવો સ્વાદ કેમ નથી આવતો? અપનાવો ડબલ વઘારની આ ખાસ રીત, સ્વાદ થઈ જશે બમણો!

ગુલાબજળ અને બદામથી ઘરે જ બનાવો નેચરલ નાઈટ ક્રીમ, ચહેરા પર આવશે ગુલાબી નિખાર!

લિવરને અંદરથી મજબૂત બનાવવા માટે ખાવ આ 8 ફૂડ કૉમ્બિનેશન, ડોક્ટરે જણાવ્યુ કંઈ વસ્તુઓ સાથે ખાવી લાભકારી ?

વધુ જુઓ..

સમય રૈનાના 'કઝિન મતલબ પતિ' કમેંટ પર વિવાદ, મૌલાના કારી ઈસહાક ભડક્યા, બોલ્યા - આવા કોમેડિયંસ પર લગામ લગાવવી જોઈએ, કંઈ પણ બોલે છે.

ગુજરાતી જોક્સ - મને શું ખબર

કાલી ખેતી મૂવી પ્રિવ્યુ - હવેલી અને ભૂતોનો જમાનો જૂનો થઈ ગયો, હવે ખેતરોમાંથી નીકળશે ભૂત, જાણો જેકી શ્રોફની આ રૂરલ સાઈકોલોજીકલ હોરરની દરેક વાત

Ramayana Worldwide Box Office Collection Day 8: રણવીર કપૂર-સાંઈ પલ્લવી સ્ટારરએ દુનિયાભરમાં પાર કર્યો 1000 કરોડનો આંકડો

200 વર્ષ જૂની કલગી, 30 કેરેટ પન્નાનો હાર, દિવાળી પર કરીના કપૂરનો શાહી અંદાજ

આગળનો લેખ
Show comments