CJP વિરોધ પ્રદર્શન : અભિજીત દીપકે બોલ્યા, અમારુ આંદોલન થઈને રહેશે, સૌરવ દાસે કહ્યુ - સરકારે પોતે દિલ્હી બંધનુ એલાન કર્યુ છે

CJP ના 10 ઓક્ટોબરે દિલ્હીમાં પ્રસ્તાવિત પ્રદર્શન પહેલા પાર્ટીના સંસ્થાપિત અભિજીત દિપકે કહ્યુ, અમારુ આંદોલન થઈને રહેશે. જંતર-મંતર પ્રદર્શન માટે નક્કી સ્થાન છે. સંવિઘાનનો અનુચ્છેદ 19 પ્રદર્શન કરવાનો મૌલિક અધિકાર આપે છે. પછી અનુમતિ લેવાનુ શુ જરૂર છે.  

તેમણે ચૂંટણી આયોગ પર નિશાન સાધતા કહ્યુ, "શુ 13 કરોડ વોટરોના નામ હટાવતા પહેલા અનુમતિ લેવામાં આવી હતી. શુ તમે ઈચ્છો છો કે ચૂંટણીમા ગેરરીતિ કરનારાઓ વિરુદ્ધ અમે પ્રદર્શન પણ ન કરીએ.  એવુ નથી થઈ શકતુ. દેશ આ રીતે નથી ચાલી શકતો. દેશ બચાવવા માટે આપણે પ્રદર્શન કરીશુ.  

કૉકરોચ જનતા પાર્ટીના સહ-સંયોજક સૌરવ દાસે કહ્યુ - દિલ્હીમાં સંમ્પૂર્ણ રીતે બંધ જેવી સ્થિતિ સરકારે પોતે ઉભી કરી છે. સરકારને ડર છે કે જો જ્ઞાનેશ કુમાર ગયા તો બધા જતા રહેશે. ભારત સરકારે આવતીકાલે દિલ્હી બંધનુ આહવાન કર્યુ છે.  

ઉલ્લેખનીય છે કે કાલે દિલ્હીમાં થનારા કોકરોચ જનતા પાર્ટીના વિરોધ પ્રદર્શનને પોલીસ પરવાનગી નથી. આ માહિતી શુક્રવારે જોઈન્ટ સીપી નુપુર પ્રસાદે આપી હતી. તેમણે કહ્યું કે સીજેપીએ 7 ઓક્ટોબરે મુખ્ય ચૂંટણી કમિશનર સામે વિરોધ પ્રદર્શન કરવાની માહિતી આપી હતી. નિર્ધારિત માર્ગદર્શિકા મુજબ, 10 દિવસ અગાઉ અરજી કરવી જરૂરી છે. દિલ્હી પોલીસ જોઈન્ટ કમિશનર નુપુર પ્રસાદે કહ્યું કે જંતર-મંતર પર ધરણા વિરોધ પ્રદર્શન માટે પરવાનગી આપવામાં આવી નથી. માર્ગદર્શિકા મુજબ, આયોજિત વિરોધ પ્રદર્શન માટે 10 દિવસ અગાઉ માહિતી આપવી પડશે. ત્યાં બીએનએસએસની કલમ 163 લાગુ પડે છે, જેનો અર્થ છે કે 5 લોકો ભેગા થઈ શકતા નથી. જો આનું પાલન ન કરવામાં આવે તો કાર્યવાહી કરવામાં આવશે.

તેમણે જણાવ્યુ - સાવધાની માટે 10 ઓક્ટોબરના રોજ રાજઘાનીના 57 મેટ્રો સ્ટેશન બંધ કરવાનો નિર્ણય લેવામાં આવ્યો છે. આ દરમિયાન કૉકરોચ જનતા પાર્ટીના સહ સંયોજક સૌરવ દાસે કહ્યુ કે સરકાર ગભરાય ગઈ છે. રાજઘાનીમાં એટલી ફોર્સ લગાવી છે કે ખુદ બંધનુ આહવાન કરી દીધુ છે. 

નવી દિલ્હી અને હજરત નિજામુદ્દીન સ્ટેશન આવનારી બધી મેલ અને એક્સપ્રેસ ટ્રેનો આવતીકાલે કેન્સલ રહેશે. રેલવેએ આ ટ્રેનોને તેમના શરૂઆતી સ્ટેશનોથી જ રદ્દ કરી દીધી છે.