GT vs SRH: ગુજરાત જીત સાથે પ્લેઓફમાં, ફરી તૂટ્યું સનરાઇઝર્સનું સપનું

GT vs SRH: IPL 2023ની 62મી મેચમાં આજે ગુજરાત ટાઇટન્સની સામે સનરાઇઝર્સ હૈદરાબાદની ટીમ હતી. આ મેચમાં ગુજરાતનો 34 રને વિજય થયો હતો. ઉલ્લેખનીય છે કે આ જીત સાથે ગુજરાતે પ્લેઓફની ટિકિટ કાપી લીધી છે, બીજી બાજુ હૈદરાબાદની ટીમ બહાર થઈ ગઈ છે. મેચની શરૂઆતમાં, ટોસ જીત્યા પછી, સનરાઇઝર્સ હૈદરાબાદના કેપ્ટન એઇડન માર્કરામે પ્રથમ બોલિંગ કરવાનો નિર્ણય કર્યો.

ગુજરાતે  બનાવ્યા 188 રન

મેચની વાત કરીએ તો પ્રથમ બેટિંગ કરતા ગુજરાતની ટીમે 8 વિકેટ ગુમાવીને 188 રન બનાવ્યા હતા. આ મેચમાં ગીલની સદી ઉપરાંત ગુજરાત તરફથી સાંઈ સુદર્શને 36 બોલમાં 47 રન બનાવ્યા હતા. તે સિવાય ગુજરાતની ટીમનો કોઈ બેટ્સમેન કંઈ ખાસ કરી શક્યો નહોતો. હાર્દિક પંડ્યા (8), ડેવિડ મિલર (7), રાહુલ તેવટિયા (3) કંઈ ખાસ કરી શક્યા ન હતા. બીજી તરફ સનરાઇઝર્સ તરફથી ભુવનેશ્વર કુમારે 5 વિકેટ ઝડપી હતી.

બંને ટીમોની  Playing 11

ગુજરાત ટાઇટન્સ: રિદ્ધિમાન સાહા (વિકેટ કીપર), શુભમન ગિલ, સાઇ સુદર્શન, હાર્દિક પંડ્યા (કપ્તાન), ડેવિડ મિલર, દાસુન શનાકા, રાહુલ તેવટિયા, મોહિત શર્મા, રાશિદ ખાન, મોહમ્મદ શમી, નૂર અહેમદ.

સનરાઇઝર્સ હૈદરાબાદ: અભિષેક શર્મા, રાહુલ ત્રિપાઠી, એઇડન માર્કરામ (કપ્તાન), હેનરિક ક્લાસેન (વિકેટ કીપર), અબ્દુલ સમદ, સનવીર સિંહ, ટી નટરાજન, મયંક માર્કંડે, ભુવનેશ્વર કુમાર, ફઝલહક ફારૂકી, માર્કો જેન્સન.