આવો તમને કુર્બાની કેવી રીતે આપે છે તે બતાવુ, ગાઝિયાબાદમાં ઈદ પર બોલાવીને યુવકને ચપ્પુ માર્યુ, માતાએ આરોપીના એનકાઉંટરની કરી માંગ

Ghaziabad Youth Murde

Ghaziabad Murder Case: ગાઝિયાબાદના ખોડામાં પુત્રની હત્યા પછી પીડિતાની માતાએ આરોપીના એનકાઉંટરની માંગ કરી છે. મૃતક સૂર્યાનીમા સરોજે એક ખાનગી ચેનલને વાતચીતમાં કહ્યુ,  જેવી રીતે મારા પુત્રને ચપ્પુ માર્યુ એવી જ રીત યુવકને ચપ્પુ મારીશ તેના આંતરડા બહાર કાઢી લઈશ. તેનુ એનકાઉંટર થવુ જોઈએ.  

ઉલ્લેખનીય છે કે બકરી ઈદના દિવસે બપોરે 3:30 વાગ્યાની આસપાસ, મકંદપુર ખોડા વિસ્તારમાં, આરોપીએ તેના સાથીઓ સાથે મળીને સૂર્યા નામના છોકરા પર છરી વડે હુમલો કર્યો. ઘાયલ સૂર્યાને નોઈડાની ફોર્ટિસ હોસ્પિટલમાં લઈ જવામાં આવ્યો હતો, જ્યાં શુક્રવારે બપોરે 12 વાગ્યે સારવાર દરમિયાન તેનું મોત નીપજ્યું હતું. આ પછી ફોર્ટિસ હોસ્પિટલની બહાર શોક છવાઈ ગયો. સૂર્યાનો પરિવાર અને હિન્દુ સંગઠનોના સભ્યો વિરોધ કરી રહ્યા છે અને કડક કાર્યવાહીની માંગ કરી રહ્યા છે.

#WATCH | Ghaziabad, UP: On the Surya Murder Case, DCP Dhawal Jaiswal says, "An accident occurred on 28 May, in which Surya Chauhan was stabbed by an individual named Asad, who died during treatment. Based on a complaint filed by his family, a police station has registered a case… pic.twitter.com/yla1lMzslf

— ANI UP/Uttarakhand (@ANINewsUP) May 31, 2026

ઈદ ઉજવવાને બહાને અને કુરબાની બતાવવાના બહાને બોલાવ્યા - મિત્ર આયુષે બતાવી આપબીતી 

 ઘટના સમયે સૂર્યાના મિત્ર આયુષે જણાવ્યું કે આરોપીએ અમને ઈદની ઉજવણી માટે આમંત્રણ આપ્યું હતું અને કુર્બાની બતાવવા માટે આવવા કહ્યું હતું. આરોપી સાથે અમારી પહેલાં કોઈ મુલાકાત કે વાતચીત થઈ નહોતી. અમે તેને કહ્યું હતું કે અમે નોનવેજ ખાતા નથી.

તે અમને પોતાની સાથે લઈ જઈ રહ્યો હતો ત્યારે તેણે રસ્તામાં છરી કાઢી અને સૂર્યાના પેટમાં મારી. તે સમયે આરોપી સાથે પાંચથી છ અન્ય લોકો પણ હાજર હતા. આયુષે આગળ સમજાવ્યું, "હું ખુદને બચાવવા માટે દોડ્યો અને થોડી વાર પછી પાછો ફર્યો. ત્યાં ભીડ હતી. પછી, એક યુવકની મદદથી, મેં સૂર્યાને ફોર્ટિસ હોસ્પિટલના ઇમરજન્સી રૂમમાં દાખલ કર્યો અને બધાને ફોન કર્યા. તેણે માંગ કરી કે આરોપીને પણ મારા મિત્ર જેવુ જ મોત મળે."

સૂર્યાના મકાનમાલિક સોનીએ સરોજનો ઉલ્લેખ કરતા કહ્યું, "તે મારી ભાડૂઆત છે. સૂર્યાની માતા સરોજ કામ પર જાય છે. તે દિવસે, સૂર્યાએ  તેના ઘરની ચાવી મને આપી હતી. મને 4 વાગ્યે ફોન આવ્યો, ત્યારે ખબર પડી કે કોઈએ સૂર્યાને છરી મારી દીધી છે"

હિન્દુ સંગઠનો પલાયન થવાની ધમકી આપે છે

હવે, આ ઘટના અંગે હિન્દુ સંગઠનોમાં ગુસ્સો સ્પષ્ટ છે. હિન્દુ રક્ષા દળના સભ્યો ખોડાથી પલાયન થતા હિન્દુઓને ચેતવણી આપી રહ્યા છે. ફોર્ટિસ હોસ્પિટલમાં પહોંચેલા VHP ખોડાના પ્રમુખ સંજય મિશ્રાએ કહ્યું કે ખોડામાં અત્યાચાર વધી રહ્યા છે. તેમણે મુખ્યમંત્રી યોગી આદિત્યનાથ પાસેથી આરોપીઓનું એન્કાઉન્ટર કરવાની માંગ કરી છે. દરમિયાન, હિન્દુ રક્ષા દળ ખોડાના પ્રમુખ સોનુ શર્માએ પણ પલાયનની ધમકી આપી છે.

ફરિયાદીએ શું કહ્યું

ફરિયાદી વિનીત રાજપૂત દ્વારા દાખલ કરાયેલી ફરિયાદના આધારે ગાઝિયાબાદ પોલીસે ગઈકાલે ખોડા પોલીસ સ્ટેશનમાં આરોપીઓ સામે કેસ નોંધ્યો હતો. FIR મુજબ, આ ઘટના 28 મેના રોજ બપોરે લગભગ 3:30 વાગ્યે ખોડા પોલીસ સ્ટેશન વિસ્તારના શર્મા ડેરી વાલી ગલીમાં બની હતી. વિનીત રાજપૂતના જણાવ્યા મુજબ, તેનો ભાઈ સૂર્યા અને મિત્ર આયુષ નવનીત વિહાર ખોડા પાસેથી પસાર થઈ રહ્યા હતા ત્યારે તેમને  આરોપી  ગલીમાં મળ્યો. દલીલ અને શાબ્દિક દુર્વ્યવહાર પછી, તેણે સૂર્યાને મારી નાખવાના ઇરાદાથી પેટમાં છરી મારી દીધી.

ગાઝિયાબાદ પોલીસે શરૂઆતમાં હત્યાના પ્રયાસ હેઠળ કેસ નોંધ્યો હતો, પરંતુ હવે સૂર્યાના મૃત્યુ પછી તેને હત્યામાં અપગ્રેડ કરવામાં આવ્યો  છે. પોલીસનું કહેવું છે કે તેઓ આરોપી યુવકને શોધી રહ્યા છે અને એ માટે  દરોડા પાડી રહ્યા છે.