Daily Horoscope
✕

સોહરાબુદ્દીન એન્કાઉન્ટર કેસમાં 22 આરોપીઓને મુક્ત કરવા સામે સુપ્રીમમાં અપીલ, CBI અને તમામ આરોપીઓને નોટિસ

Updated: મંગળવાર, 29 સપ્ટેમ્બર 2026 (11:47 IST)
સોહરાબુદ્દીન શેખ, કૌસર બી અને તુલસીરામ પ્રજાપતિના કથિત ફેક એન્કાઉન્ટર મામલે 21  પોલીસકર્મીઓ સહિત તમામ 22  આરોપીઓને નિર્દોષ છોડી મુકવાના ચુકાદા સામે હવે સુપ્રીમ કોર્ટમાં અપીલ દાખલ કરવામાં આવી છે. સોહરાબુદ્દીનના ભાઈ નયાબુદ્દીન શેખ દ્વારા કરવામાં આવેલી આ અરજી પર સુપ્રીમ કોર્ટ સુનાવણી કરવા સંમત થઈ છે. 2018 માં મુંબઈ સીબીઆઈ કોર્ટે તમામ આરોપીઓને મુક્ત કર્યા હતા, જેને બાદમાં બોમ્બે હાઈકોર્ટે પણ યોગ્ય ઠેરવ્યો હતો. જોકે, સુપ્રીમ કોર્ટે સ્પષ્ટ કર્યું છે કે તે કેન્દ્રીય ગૃહમંત્રી અમિત શાહને નિર્દોષ છોડવાના નિર્ણયને ફરી નહીં ખોલે.
ALSO READ: નોઈડાના જેવર એરપોર્ટથી વધુ બે શહેરોની ફ્લાઇટ્સ ઓપરેટ થશે, સમયપત્રક જાહેર; અત્યાર સુધીમાં 17 શહેરો જોડાયેલા છે

92  સાક્ષીઓ મુકરાતાં જસ્ટિસ બાગચીએ વ્યક્ત કરી ગંભીર ચિંતા

ન્યાયાધીશ સૂર્યકાંત, જસ્ટિસ જોયમાલ્યા બાગચી અને જસ્ટિસ વી. મોહનાની બેંચે આ મામલે સીબીઆઈ અને તમામ 22  છોડી મુકાયેલા લોકોને નોટિસ પાઠવી જવાબ માગ્યો છે. ટ્રાયલ દરમિયાન 92  જેટલા મહત્વના સાક્ષીઓ પોતાના નિવેદનથી ફરી ગયા (હોસ્ટાઈલ થઈ ગયા) હોવાની બાબત સામે આવતાં જસ્ટિસ જોયમાલ્યા બાગચીએ આશ્ચર્ય વ્યક્ત કર્યું હતું. તેમણે મૌખિક ટિપ્પણી કરતા કહ્યું કે આ ખરેખર ‘હોલસેલ વિટનેસ હોસ્ટાઈલ’ જેવી બાબત છે અને ટ્રાયલમાં યોગ્ય પારદર્શિતા હતી કે નહીં તેની સુપ્રીમ કોર્ટ ચકાસણી કરશે.
 

વર્ષ 2005 માં હૈદરાબાદથી અપહરણ અને કથિત એન્કાઉન્ટરનો ઘટનાક્રમ

સીબીઆઈના કેસ મુજબ, 23 મી નવેમ્બર 2005ના રોજ સોહરાબુદ્દીન, તેની પત્ની કૌસર બી અને તુલસીરામ પ્રજાપતિ હૈદરાબાદથી સાંગલી જઈ રહ્યા હતા ત્યારે ગુજરાત અને રાજસ્થાન પોલીસની ટીમે બસ રોકી તેમનું અપહરણ કર્યું હતું. ત્યારબાદ 26 મી નવેમ્બર 2005ના રોજ અમદાવાદના વિશાલા સર્કલ નજીક સોહરાબુદ્દીનનું કથિત એન્કાઉન્ટર કરવામાં આવ્યું હતું. પોલીસે દાવો કર્યો હતો કે તે લશ્કર-એ-તોયબાનો આતંકવાદી હતો. તેના ત્રણ દિવસ બાદ તેની પત્ની કૌસર બીની પણ હત્યા કરી મૃતદેહનો નિકાલ કરાયો હતો.
 

મુખ્ય સાક્ષી તુલસીરામ પ્રજાપતિનું પણ એક વર્ષ પછી એન્કાઉન્ટર

આ સમગ્ર ઘટનાના સૌથી મહત્વના સાક્ષી એવા તુલસીરામ પ્રજાપતિને તે સમયે ઉદયપુર સેન્ટ્રલ જેલમાં રાખવામાં આવ્યો હતો. સોહરાબુદ્દીન અને કૌસર બીના કસ્ટોડિયલ ડેથના આશરે એક વર્ષ બાદ, 27 મી ડિસેમ્બર 2006 ના રોજ બનાસકાંઠા નજીક છાપરી ખાતે અન્ય એક કથિત પોલીસ એન્કાઉન્ટરમાં તુલસીરામ પ્રજાપતિને પણ મારી નાખવામાં આવ્યો હતો, જેથી આ કેસ વધુ ચકચારભર્યો બન્યો હતો.
ALSO READ: શેરબજારમાં દબાણ યથાવત, સેન્સેક્સ 488 પોઈન્ટ ઘટ્યો, નિફ્ટી 22,700 થી નીચે ગયો; ટાટા મોટર્સ અને HDFC બેંકમાં નોંધપાત્ર ઘટાડો જોવા મળ્યો

હાઈપ્રોફાઈલ આરોપીઓ અને સીબીઆઈ કોર્ટનો ડિસ્ચાર્જ હુકમ

આ ચર્ચિત કેસમાં કેન્દ્રીય ગૃહમંત્રી અમિત શાહ, રાજસ્થાનના પૂર્વ ગૃહમંત્રી ગુલાબચંદ કટારિયા, અને ગુજરાત-રાજસ્થાનના ટોચના પોલીસ અધિકારીઓ ડી.જી. વણઝારા, રાજકુમાર પાંડિયન, અભય ચુડાસમા, એન.કે. અમીન, પી.સી. પાંડે અને ગીતા જોહરી સહિત 38 લોકોને આરોપી બનાવાયા હતા. વર્ષ 2014 માં મુંબઈની સીબીઆઈ કોર્ટે અમિત શાહને રાજકીય હેતુથી કેસમાં ફસાવાયા હોવાનું નોંધી મુક્ત કર્યા હતા. ત્યારબાદ વણઝારા સહિત 15 અધિકારીઓ ડિસ્ચાર્જ થયા હતા અને ડિસેમ્બર 2018 માં બાકીના 22  આરોપીઓને પણ પુરાવાના અભાવે મુક્ત કરવામાં આવ્યા હતા.
 

વધુ જુઓ..

લિવરને અંદરથી મજબૂત બનાવવા માટે ખાવ આ 8 ફૂડ કૉમ્બિનેશન, ડોક્ટરે જણાવ્યુ કંઈ વસ્તુઓ સાથે ખાવી લાભકારી ?

ગુજરાતી લગ્નની પરંપરાગત વિધિઓ: જાણો લગ્ન પહેલાંથી લઈને વિદાય સુધીની તમામ રસમોનું મહત્વ

છોકરી ખરેખર તમને પ્રેમ કરે છે કે નહીં? આ 7 સંકેતોથી કરો ઓળખ

ભ અક્ષર પરથી છોકરાઓનાં 20 નામ અને અર્થ

Bread Recipes- બ્રેડમાંથી બનાવો 5 ઝટપટ અને સ્વાદિષ્ટ નાસ્તાની વાનગીઓ, બાળકો અને મોટાઓને પણ આવશે પસંદ

વધુ જુઓ..

સમય રૈનાના 'કઝિન મતલબ પતિ' કમેંટ પર વિવાદ, મૌલાના કારી ઈસહાક ભડક્યા, બોલ્યા - આવા કોમેડિયંસ પર લગામ લગાવવી જોઈએ, કંઈ પણ બોલે છે.

ગુજરાતી જોક્સ - મને શું ખબર

કાલી ખેતી મૂવી પ્રિવ્યુ - હવેલી અને ભૂતોનો જમાનો જૂનો થઈ ગયો, હવે ખેતરોમાંથી નીકળશે ભૂત, જાણો જેકી શ્રોફની આ રૂરલ સાઈકોલોજીકલ હોરરની દરેક વાત

Ramayana Worldwide Box Office Collection Day 8: રણવીર કપૂર-સાંઈ પલ્લવી સ્ટારરએ દુનિયાભરમાં પાર કર્યો 1000 કરોડનો આંકડો

200 વર્ષ જૂની કલગી, 30 કેરેટ પન્નાનો હાર, દિવાળી પર કરીના કપૂરનો શાહી અંદાજ

આગળનો લેખ
Show comments